原文 https://www.facebook.com/104106594684192/posts/269091888185661/
又嚟到稅季尾，過多幾日到4月6日就開始新稅季，如果大家未用過或未用盡ISA免稅戶口每年兩萬鎊嘅限額，就記得喺4月5日或之前入錢入去ISA戶口啦！
ISA係咩？因為英國會對儲蓄及投資等收入徵稅，利息稅股息稅資本利得稅等等(如果收入金額好細，喺免稅額內則仍然唔使交稅)，而喺ISA入面一切收益都係免稅，每年累積並保持免稅，直至提款為止。
比如每年用盡兩萬鎊限額，5年後戶口入面嘅十萬鎊連同投資回報全部都係唔使交稅。
ISA有好幾類，儲蓄、投資都有，仲有一隻叫Lifetime ISA，50歲前每年最多可以存入四千鎊(需要喺40歲前開戶口)，政府會送你25%，但只能在首次置業（£450k以下）、年滿60歲或患上危疾的情況下提款，否則需要繳交費用。
到咗新稅季，上一稅季未用完嘅ISA限額就會無咗，想要投資及儲蓄而又合法地唔使交稅，就唔好錯過啦！如果嚟咗英國無耐，仲未開過任何ISA戶口嘅，即刻快手喺自己銀行開個Cash ISA儲蓄戶口，希望趕得切用咗個限額先。
更多關於ISA嘅介紹請睇呢度︰https://living-guide.uk/tax/other-income-tax/isa