from FB: 追追趕趕 跌跌盪盪在英倫
見到好多好多人都準備緊BNO Visa Application，搵落腳點，搵學校，做資料搜集，大家都準備得好好喇，我今次講下到步後有咩困難😔☹️😖😭😤🤬，有咩建議可以幫到大家捱過去啦。
1️⃣ 第一件事，當然係依家大熱的BNO Visa啦，依家攪申請已經勁癲，Scan 唔到本Passport，俾錢俾人仔，好似入錯左，唔知有無揀錯option咁，咁。。。幾時先批📆📅，幾時先要飛🛫，到時又飛唔飛得👨🏻⚖️，咁多年的MPF💰又點處理呢？
其實呢個時代，好多野已經預計唔到，疫情啦，社會情況，各地的政策等等，可以做的就係做足準備，一步一步去跟著自己的步伐，盡早執好走佬袋，當時候到時就拎袋走人，隨遇而安，接受計劃趕不上變化的現實。
2️⃣ 第二件事，當到左英國時，大部分人都會選擇先住AirBnb/Hotel，之後慢慢搵樓租，希望幾星期至一個月內租到樓，先唔講幾時先租到樓或者租樓有咩困難先，先講呢段少少的時間，幾星期至個零月，其實都可以好難受，因為防疫隔離/Lockdown的要求，一家幾口可能要一齊困埋一齊，大家有幾何會24小時對住一家人？仲要30＋日咁對住，睇住小朋友無得讀書，睇電視打機，兩公婆由相識傾到結婚，生小朋友，返工升職辭職移民，傾幾次都仲未出得街，Airbnb都仲有得煮下野食，可能去後花園玩下跑下，酒店的話就仲似困獸鬥。所以最好預備D board game，書本 (電子書最好)，等大家有D野玩下，過下日子，大家笑下贏下輸下都好。
3️⃣ 當出得街後，我個人覺得最痛苦的日子先來到，就係搵樓搵學校。因為總總的原因s，香港人租樓並唔容易，所以好多時「約代理睇樓/資料搜集/出offer/被拒絕再搵樓」呢個循環就好似無間咁，12個月？18個月都唔租！？呢間樓個學校網唔好喎，叫亞仔點讀呀！下，學校無位要去到好遠讀/差的學校讀！？唔通之前做錯資料搜集？唔通我地揀錯左？呢類的問題每日都會浮現，對於我地大人黎講，不停被人拒絕，不停改變計劃，就會開始懷疑自己，小朋友亦會因為太耐無得出街，無新朋友，無嗜好消磨時間，開始心散開始唔開心😔☹️😖😭；呢個時候，全家人都要比較主動，去包容，去鼓勵，去瞭解，去分擔屋企人的負能量，睇套周星星三叔笑下，出去跑步做下運動，忘記一下搵樓搵學校一兩日，玩下笑下兩日叉下電都幫到大家。
4️⃣ 當租到樓後，仲有一大堆的困擾，點處理水電煤寬頻GP council tax報學校收家當等等，因為當時應該已經浪費左一大堆時間，所以心急的香港人會變得更心急，可惜的係，呢度係慢活的英國，你急佢唔急，好多細節都會出錯，明明highlight左我個姓同名架啦，都可以打錯，電話號碼又可以漏，連地址都錯得唔知寄左去邊，想打電話問清楚？等15分鐘先丫，之後就有人幫你分類再等多陣，就有人慢慢聽你講，你心急唔夠客氣？Sorry，佢cut你線你又要從頭等過，你想投訴？都一樣，等下先，不過到最後可能真係因為你唔夠禮貌所以cut你線都無問題。就算去到Home Office，俾錢問野，佢都可以耍你一輪，無答過野。所以，⚠️一定要學識有禮貌地去追，仲要學識勁有禮貌地狂追，投訴對英國黎講無香港咁有影響力。
去到呢度，除左好似我地打機咁，一關一關咁過之外，最好就係搵番幾個住附近又啱傾環境又差唔多的同路人，組番一個細group，互相交換下消息，互相呻下，互相支持下，對於去渡過呢個適應期會好有幫助，至於點解要係細谷，因為大谷大家好多時都係CDROM，接收訊息多過問問題，不過細谷就比較放心，放開自己呻下出多D聲，互動多左就關係可以更好，互助的效果會更好。
5️⃣ 最後，當然搵錢的問題，上面咁多的困難，可能有人一兩個月就可以處理，有人需要幾個月甚至半年，睇住每星期都要俾錢，每件事都要俾錢，其實個心都幾虛幾擔心，不過正值武肺的影響，英國經濟暫時都係冰河時期，大家搵工都幾難。唔駛擔心，英國政府做過調查，當6月解封時，超過一半的公司都表示會請人增聘人手，希望到時香港人可以發揮不屈不撓的返工精神，於英國發光發亮。