租樓分享

Gofunla

🔅原文 https://www.facebook.com/101345378601750/posts/130092605727027/

究竟英國租樓係咪真係咁難？點解業主有錢都唔要？🤔

上次的分享係關於大家到埗英國嘅檢疫安排，大家都非常有興趣，希望真係可以幫到大家☺️

而今次嘅分享我地就睇下英國租樓嘅問題，成日都有唔同的分享，有人講好易，有人講好難，有人話俾多D租，多幾個月就攪得掂，又有人話好難，租左兩三個月都唔得，咁其實，現實的一面又係點呢？我地今次嘗試用唔同香港人嘅視覺去睇下件事究竟係點。📝🤓

市場的角度📈
大家打開Rightmove, Zoopla 或者 Openrent，就會見到好多都會係1房2房嘅房屋，而3房或以上嘅就真係佔好少數；相反，依家去英國嘅香港家庭，大部分都係因為希望小朋友有個更適合嘅讀書環境，而香港人大部分都係「兩個就夠晒數」嘅支持者，而近年三個小朋友亦司空見慣；👧🏻🧒🏻👦🏻👶🏻

鑑於英國對住屋環境 (房數及人數) 嘅要求，所以對於英國本身已經搶手嘅3+房單位更為搶手，而因為學校收生要求的關係，令就近學校嘅單位變成熱爆，同好多本地地產代理瞭解過，好多時呢類型嘅單位會有超過8個家庭去viewing，我們亦試過同一個單位有唔同嘅家庭搵我地去睇去聯絡地產代理，大家可以想像，業主選中嘅機會有幾大。🈵⁉️

地產代理嘅角度👨🏼‍💻👩🏼‍💻
地產代理於整個租務過程上，以一個業主代理人嘅身分出現，由業主支付佣金，務求為業主選出最穩陣嘅租客，以免日後被業主或租客投訴，咁咩叫穩陣嘅租客呢？大家嘅指標可能都唔同，不如講下咩叫災難式嘅租客丫，應該比較易有共識，唔交租啦，整爛間屋啦，成日投訴間屋有野壞要業主換啦，業主做定期維修又唔俾人入去啦，搵間屋唔知做咩啦，租上租啦，污煙瘴氣被鄰居投訴到業主度啦。。。🔧🪚🤮應該無人會反對以上係有問題啦？咁關我地香港人咩事呢？就係我地香港人於英國無record，地產代理根本唔知我地係咩人，"Hong Kong? Yeah, I know that's part of Japan" "BNO?? what's that?" "Handover in 1997? Are you serious?" 🥴😲

所以好多時因為地產代理嘅問題就直接filter左我地呢班香港人，以免業主問到時咩都答唔到，增加左我地租樓的難度，當然，尤其大城市，地產代理比較接近時事，不過同時亦多左人搶租。

業主嘅角度💁🏼‍♀️💁🏼‍♂️
以BBC一個關於英國租務的資料，大約80%嘅英國家庭只擁有一個物業，即係話，如果業主放租，佢好大機會需要出去租樓，如果樓按未還清，就要靠租金去還錢，如果租客唔交租，咁業主就要面對還按揭之餘仲要交租；
另外，英國有法例要求業主要做Right to Rent checking，如果租左俾唔合乎居英資格嘅人係有法律責任，而最高嘅罰則係5年監禁及無上限罰款 (https://www.gov.uk/penalties-illegal-renting), 咁對於佢地對香港及香港人嘅熟悉程度，仲要有LOTR, BNO Visa 咁新奇嘅事物，好多時候業主都會「停一停，諗一諗」。🤔🤔
好多時好多朋友都同我地講，一次過俾6個月12個月甚至18個月租咪得law，業主收到錢仲有咩風險呀？🤑大家要知道，英國對洗黑錢 (Anti-money laundering (AML)) 好鬼緊張，你以為一大舊錢就塞住人把口咩？呢度英國，sorry唔work架，所以唔好亂咁話俾多D租金，幾多個月，甚至一大舊現金拎出黎，隨時會有反效果。🥶🙈

除左收唔到租，right to rent 外，我地睇番之前講災難租客仲有咩傑出成就，大約係唔知點住間屋，令業主好困擾咁上下啦，剛剛都講到，英國家庭通常都係得一間屋，佢地都希望一家人住番呢間「祖屋」或者退休時可以「大屋換細屋」，拎番舊錢慢慢駛，假如租客攪到間屋污煙瘴氣，令鄰居討厭，直接影響業主的計劃，所以業主都會對寵物/小朋友有過多嘅憂慮。🔨🔧💸💸

有人亦會講，2021年1月英國咪出左份New standard tenancy agreement (https://www.gov.uk/.../new-standard-tenancy-agreement-to...), 去保障寵物租戶law🐶🐱🐰🐸咁仲有咩問題呀，如果無問題就唔駛出呢份野，咁聽話就唔會咁多人唔戴口罩啦？🤷🏻‍♀️

之前提到英國法律保障租客，不過明明租約入而寫到業主好似大晒咁，點會保障租客呀？法律嘅野太專業，我地都唔敢獻醜，我地分享一個英國電視節目俾大家，我相信佢都有份令大家嘅租樓難度增加，亦令大家可以明白業主嘅憂慮。🙍🏼🙍🏼‍♂️🙇🏻‍♀️🙇🏻‍♀️

今次我地唔係放負，只係希望帶另一個角度俾大家嘗試瞭解一下英國業主或者地產代理對於我地香港人租樓有咩顧慮，從而希望大家可以好好準備，對於成日搵我地傾計的朋友都清楚，我地都鼓勵大家自己去試下由自己去聯絡下地產代理/業主搵樓，我地隨時都歡迎大家搵我地代勞，多謝各位。

Channel 5 的 nightmare tenants slum landlords，大家可以上youtube睇下，普遍業主需要9個月嘅時間先可以踢走租霸，而當中的精神及財務損失，根本無可能補償，所以如果你係業主，你會唔會咁輕易租你間靚屋俾人？🏘
Nightmare Tenants , Slum Landlords 2021 - Episode 1
https://youtu.be/VhYeoyB3kko
Nightmare Tenants Slum Landlords 2020 - Episode 12
https://youtu.be/MSFtqbNx7KY See Less

Gofunla

FB 70後一家大細走難去英國

租屋上集
網上面都有好多人講過點樣租屋，我都唔點樣重複啦,簡單分享講吓一啲重點啦。
呢度較為多用post code ，例如話俾agent 知想搵屋在RG12,RG5, RG6 。我一共俾咗六個post code agent 找。
有小朋友嘅家庭就記得問吓Council 你小朋友嘅年紀邊啲學校有位。方便搵屋嘅時候搵返學校附近。
我哋喺隔離嗰10日就直接咁樣上網站搵屋。因為已經喺英國，又有英國電話，啲agent都樂意打返電話俾我。亦試過video live 睇屋。亦試過有一間Agent 公司拒絕，因為冇英國嘅工作證明。
最好有車啦，咁就方便啲.... 我試過... 一日睇左5間..... 每次睇... 大慨10-15分鐘，之後就會揸住架車，兜下周圍....
試過有一個業主，我睇完之後我表達有意思租，佢就話要等多幾日，因為之前已經約咗一啲人黎睇樓，希望收集晒所有有興趣嘅人，最後一次過揀邊一個可以租佢間屋。
有人話每日check 下right move 有冇咩新盤，我覺得呢個係一個方法，不過如果再想快啲不妨聯絡當地經紀，因為有啲盤未上rightmove, 佢哋都已經可以睇到間屋。有啲地方競爭激烈，我之前睇過一間屋原來已經有六七個人有興趣。所以如果你係第一或者第二個人睇間屋，又盡快決定，咁你可以做到間屋機會就會大啲。
好啦當你有意思租一間屋，聯絡agent，如果業主都同意，就會俾大約一個星期嘅deposits, 之後做reference check, 問你戶口狀況啦，香港嘅工作之前份工嘅職位，之前喺香港過去5年的居住歷史。到交收之前一日，bank transfer. 之後取鎖匙，簽約，同埋會收到一份inventory report..... 有7日時間俾你comment 份report. 如果發現有咩破損，或者有乜嘢係壞嘅，而係份report入邊又冇寫到，咁就要通知返Agent。叫佢搵人嚟修理。
份contract 亦寫明下一年嘅加租係2-5%, 視乎通脹。亦寫左如果冇人喺屋企超過三個星期，要通知Agent. Agent 亦會每六個月嚟探訪一下。所以一定一定要睇清楚份contract.

Gofunla

原文 https://www.facebook.com/109255787557883/posts/273396147810512/

租屋小總結
到步英國之後，喺隔離嗰10日不斷搵租盤，有一次WhatsApp live ，放監之後，睇咗兩個業主盤，六個agent盤。其中一個盤算係第一二個睇... 睇完第二日，我就出offer, 一日之後，業主接受我的offer, 之後就reference check, 再之後就度尺（因為冇floor plan) . 度完尺就上網睇傢俬。由出offer 到攞到鎖匙，大約十天。而bnb 仲有大約四天就完。所以book bnb 最少三個星期, 要預多少少時間比自己會好一啲。
關於租屋，每個人嘅想法都會唔同，最好諗清楚自己嚟緊一兩年會有咩打算，有啲人諗住租幾年先，有啲人可能會租半年，之後就買樓嘅，亦都有啲人可能嚟緊九月10月就係去參加下1年度嘅year 7派位，咁自然就要搵一間近理想嘅中學附近啦。所以搵屋嘅時候就要留意番要配合返自己嚟緊一兩年嘅計劃。
我睇樓嘅時候首要係治安，同埋周圍嘅配套。例如附近有冇超級市場啊，附近有冇巴士站呀，附近有冇公園。同埋架車可以泊去邊度，因為呢個會影響架車嘅保險。
離開香港之前，最好真係睇吓你自己將會去嘅區域，睇吓啲樓盤大概咩價位，比自己有個心理準備。
買傢俬大概幾多錢？真係豐儉由人，有人會揀二手傢俬，亦都有人會揀最平嘅就係IKEA, 當然要自己去砌啦。呢啲其實都可以去英國之前上網自己去睇吓。砌傢俬，最好準備一對手套同埋電枇。
究竟選擇apartment 定屋仔？真係要睇吓唔同嘅地區，有啲地區其實價錢唔係相差好遠可能100/200磅。如果屋仔，有機會要打理埋個後花園，例如除草.....
好唔好在香港已經租英國樓？呢個真係好難講，例如有啲租盤你而家睇佢list左出嚟，其實佢可以入住日期可能係一個月或者係兩個月後嘅，咁如果你係喺香港咪可以揀呢啲屋囉，但係有啲屋可能係而家已經可以入住或者係一星期後有得入住，業主可能寧願揀身在英國嘅人囉。
最後... 睇屋記得要準時，人唔係咁鍾意遲到。

Gofunla

原文 https://www.facebook.com/107409491165035/posts/224292886143361/

現在很多香港人移居英國都會先考慮短租半年至一年，雖則短租但不論是睇樓或入住前都有不少事項需要注意、測試和確認。🤔
FLAT🏢
🟢 英國Flat不像香港一樣每樓層也有垃圾桶／房，通常只在 G/F或另設在室外，需留意實際位置是否會影響自己
🟢 保安情況。是真人還是只有閉路電視遙距監控，亦有否二十四小時服務。另外，亦可留意公寓的大門近門鎖的位置是否曾有被破壞的跡象
🟢 有否升降機。數量和是否經常故障
HOUSE🏠
🟢 英國房屋樓齡隨時可做你祖父母。牆身裂縫、屋頂老化等亦應要避免租下
🟢 花園會否缺乏保養而雜草叢生，放任不管隨時帶來蛇蟲鼠蟻
室內
🟢 英國相較香港潮濕，陽光日照時間較短使牆身、天花板、地腳線、木製窗框皆較易發霉
🟢 測試暖爐、暖管和熱水器需要多久才能發揮效用
🟢 查看牆身物料及窗戶有否有效隔溫和隔音，查看
🟢 測試水龍頭和花灑水壓和檢查出水是否正常，水管有沒有漏水
🟢 窗戶方向和數量是否足夠。單位/屋向西邊一般可接受較長的日照，對室內保暖更有利，對流窗戶亦有利通風。
🟢 附近環境有否噪音問題，例如鄰近機場、火車軌、甚至馬路。如果附近有醫院或警局，亦會經常聽到出勤的警號聲。而鄰近 pub 和bar 在晚上會很熱鬧，尤其有足球賽事的晚上，而鄰近足球場的住宅亦會經常受封路或幾萬球迷散場時的「探訪」
最後，提提大家。室內的環境尚可以改變，但室外的環境和治安便無能為力。如有時間，應到附近社區和街道視察一下。

Gofunla

原文 https://www.facebook.com/746794188735072/posts/3932200973527695/

點樣用Rightmove其實都應該好多人分享過，不過因為Keep住有網友問，所以我都做個Summary講下我地係點樣搵租盤啦。
「你點樣搵租盤咖？」
「你用邊個Agent咖？」
「你點樣揀而家呢區呢？」
呢啲都係我好經常收到嘅問題，尤其係有小朋友嘅家庭更加關心校網。
希望呢條片可以幫到大家快啲搵到啱心水嘅屋啦！
搵屋網頁：
https://www.rightmove.co.uk
https://www.zoopla.co.uk
https://www.openrent.co.uk
Check罪案率：
https://www.ukcrimestats.com
Check學校：
https://www.compare-school-performance.service.gov.uk/......
Check弱勢社群資料：
https://fryford.github.io/imdmap
Check租客權益：
https://england.shelter.org.uk
我地租樓Timeline：
3/10 到達Nottingham開始係Rightmove睇樓同約時間
6/10 收到agent email約時間
8/10 睇樓，同日打電話去agent office做application
19/10 收到agent email問會唔會可以租一年，同埋會唔會加錢要埋啲傢俬
21/10 收到agent email話業主confirm我地嘅申請，可以儘快交deposit同去agent門市做身份認證
22/10 去門市做身份認證（影印passport）
23/10 上網做credit check，每一個tenant都要做（因為四個大人都需要地址去申請其他野，所以我地希望可以四個大人都落名）
26/10 公公婆婆 credit check progress 100% 爸爸 75% 我60% 😑
28/10 個個都progress 100%，但我收到credit check要求補交六個月statement record，即交（早知我唔揀自己係self-employed 🤪）
3/11 上網見到 credit check完成
5/11 Agent話爸爸個credit check result declined，但同日又話冇嘢，可以繼續😅
6/11 上網簽約，過數，最後係半年合約

Gofunla

原文 https://www.facebook.com/103976341851438/posts/106726988243040/

～揀地方&租屋篇～
我到埗前只book左十四天酒店，
安排左自己隔離果十日時間，搵資料處理租屋問題，
我自己就唔會隔山租屋，始終唔係用肉眼睇嘅，
避免問題發生，同我好相信感覺。😊
我暫時決定左倫敦落腳先，點解？
租金好貴？車費好貴？消費好貴？
呢幾條好多人都問過我，我就分享下我嘅情況同睇法。
初黎英國，無人無物，車牌又無，英文會考F，銀彈有限，當時全城lock down緊，始終揀返大城市定腳會穩陣啲，個設施配套會多啲，落機咁多行李，去太遠好難搞，同工作機會都會多啲，所以把心一橫決定倫敦。其實第一下落腳去邊，唔代表之後唔可以轉地方，可以利用頭果段時期觀察下，探索下，係咪真係適合自己。
我就揀咗同機場好近嘅酒店，坐underground 兩三個站就到，唔需要諗太多，例如治安好無，配套好無。因為你頭兩星期都係隔離緊，根本無得出去，就係咁解決左第一下到埗問題。好多時真係無得顧慮太多，愈諗得多出現問題就愈多，我會以見步行步嘅心態去處理，只plan頭三個月至半年嘅野先，將個人基本野settle好，站穩個腳先，之後嘅問題就自然有辦法解決。
坐完飛機同可能有時差，休息左幾日，調整埋情緒，就開始搵租盤了。來不過都係果幾個網站，基於無車牌，而希望之後係搵啲文職相關工作，加上又怕凍，鎖定左Zone 4-6 南部位置。主要搵studio 或者一房，見網站show個租盤資料位置係近火車站，地鐵站，企理嘅，岩價錢就會send email出去，英國有限公園唔敢直接打電話🥲。前後4-5日，大概都send左超過二三十個盤，收到回覆只有三個。唔緊要，都叫做有得睇，就約左隔離完之後嘅第一日睇第一個，第二日睇第二個，一日只能約到睇一個。英國人做野我地要習慣下，唔可以張香港嘅火燭鬼拎黎英國用。
睇第一個租盤，一上樓梯已經想走，濕立立咁，感覺好差，入到屋仲要頭暈暈，廚房啲櫃爛嘅😅，唔夠5分鐘走左。一入去一眼就睇晒間野(下圖），唔係好掂呀，同網站睇嘅差好遠🙁。搵個地方坐低冷靜下諗諗跟住點做好，因為真係可以睇嘅盤唔多，要諗係咪要轉地方？而且呢次經驗都令到我擔心第二日睇個盤會唔會都係咁？同網站提供嘅資料有出入。
突然電話響起，諗左一兩秒聽唔聽好，因為英文有限，怕聽唔明😩，最終都踏出勇氣聽左，只係聽到property agent兩個字，成個對話雞同鴨講咁，大概話landlord 有另一個租盤睇唔睇。當然去，總之有任何機會都會去。初黎租樓係有啲難度，好多謝佢好有心機慢慢同我講🙏🏼
今次唔係伏嘅租盤黎，係岩岩翻新好，不過第二天仲有一間可以睇，咁比較埋先再決定點。我個人認為岩心水嘅就快決定，因為真係肯租比無credit租客嘅業主並唔多，或者我無遇到啦。
故事分享待續。
P.S. Email比啲agent嘅時候，我會寫清楚自己個狀況係點，盡量避免去左睇盤，但其實業主唔想租比無工作嘅人，咁就浪費好多時間。

Gofunla

原文 https://www.facebook.com/108998054670477/posts/114493510787598/

4月中到埗🛬🛬🛬4月尾租到屋🏡🏡🏡，成功定失敗❓究竟中間有幾多血淚史❓
租樓篇（準備）
有呢個進度其實我哋已經好滿意，仲慳咗唔少錢同時間，最重要係搵到心儀嘅school catchment area🏫🏫🏫（校網），點計都係好事。
我哋一家人都係童軍⚜⚜⚜，“Be prepared"係我哋生存之道，事前做足準備功夫永遠都係幫你搵到光明大道嘅一個重要環節。我哋申請VISA前已經不停喺Rightmove度發白日夢，話如果租到呢個就好，租到嗰間又點點點.........呢個已經係我哋舊年年尾至出發前嘅共同嗜好。
睇Rightmove, Zoopla搵樓🏠🏠🏠我諗大家都會做，而我揀樓嘅先決條件依然係安全🔐🔐🔐為首。其他好深入嘅分析我就唔識，我淨係會睇嗰條街會係自己擁有物業嘅人多，定係租屋嘅人多；住邊一類嘅人，佢哋嘅平均收入，學歷，同埋工作係以咩為主；仲有好重要係睇嗰條街或者附近嘅罪案率🦹‍♂️🦹‍♂️🦹‍♂️，罪安嘅類別係啲乜嘢，從呢幾個角度自己去分析下，比較下係唔係一個好嘅區域。
英國有個好處就係好多資訊資料都好透明好公開，你可以喺網上搵到好多唔同類型嘅資料，我哋就睇開以下兩個網頁
:

https://fryford.github.io/imdmap/
我重點會睇綠色嘅區域
https://www.streetcheck.co.uk
有小朋友嘅都可能同我哋一樣關注搵學校（state school）係最頭痛嘅事。搵樓嘅時候絕對唔可以輕視間屋同學校位置嘅關係，大家搵到心儀學校嘅時候最緊要搵埋佢嘅catchment area（校網），你搵樓就可以喺rightmove呢啲網站，輸入學校嘅postcode為中心，用最少半徑0.25 mile去搵你嘅樓。如果你嗰間係一間outstanding嘅學校，我相信呢個方法去搵樓唔大機會搵到，因為好嘅學校附近就係好住嘅地方，啲樓自自然然搶手。但係我哋唔理，一於堅持用呢個方法繼續搵樓，直至成功為止❗❗❗
我哋2月23日申請完VISA後，已經不停send email畀rightmove嘅agent, 基本上回復率係零0️⃣0️⃣0️⃣。 3月頭一個禮拜已經覺得唔對路，所以四圍探聽有冇人有識嘅agent介紹幫手搵樓。又好好彩，經朋友個朋友個朋友介紹咗個agent畀我哋，仲要識講廣東話😝😝😝，咁就快啲捉住佢唔放啦！即刻聯絡個agent，好快回覆我哋話可以幫手，不過佢事先聲明佢係做開伯明翰市中心，冇做過我哋想搵嘅區域。喺風高浪急嘅時候，有個碼頭被你泊住先，梗係埋咗位先啦！大家又可能會話，點解史提芬張咁蠢㗎，明知唔係你嗰區都搵佢，實幫唔到你啦！其實我事前喺網上面搵過一間香港人agent，已經係我想住嘅區域工作，佢哋知道我未有耐到埗，都十問九唔應，所以就算朋友介紹呢一個唔係我嗰區，我都死chur住佢唔放😉😉😉。我個agent開宗明義要收取佣金，算啦，人生路不熟，交下學費，如果件事係成功都值嘅（諗下㗎咋，都唔知會唔會成功，不過我係嗰啲“生命滿希望前路由我創”嘅人嚟嘅🤣🤣🤣），咁一開始就已經畀咗幾百磅deposit，去搵呢個"agent"幫我推磨。
既然佢講到佢都唔熟我嗰區，又見佢頭一兩日冇乜盤比我哋，我哋就反客為主，每日都掟幾個盤（自己rightmove搵）畀佢，叫佢幫我哋聯絡睇樓。喺香港通常係個agent chur住你不停問你呢個盤鍾唔鍾意,嗰個盤就話好多客去爭，要你快啲確定，而我哋就完全相反，我哋不停喺度問佢，約到未，幾時睇，個業主覆咗未........😅😅😅。終於由3月8號第一日嘅聯絡，直至到3月19號先有第一個盤睇到。因為我哋知道4月中要出發，都心急想隔離完之後直接入伙，所以第一個可以睇嘅盤，係一個上一層樓嘅apartment，全新裝修但係就冇white goods(廚房電器），我哋一睇就好滿意（當然再check多次以上兩個網站嘅資料，都係好符合我哋嘅要求，再check埋同學校嘅距離只係差0.2英里）。
唔記得講點樣睇樓，其實初頭我哋都預咗係直播📽📽📽，約好曬話幾點鐘睇樓，我哋唔瞓都喺度等佢直播，點知佢係連拍三段片，經whatsapp send過嚟畀我哋。是但啦，有片睇已經好開心，仲要全新單位。當然我睇完之後都寫咗十幾個問題去問個agent，佢都好有耐性逐一回答，而所有嘅答案都好positive。好，進入講價環節，雖然層樓好新但係佢冇white goods，同我個agent夾完之後佢都覺得我可以要求減啲租金去回覆業主。咁好啦，我同agent夾咗個價錢之後，agent就幫我回覆業主嘅代理，之後就要等回覆。隔咗一兩日冇回覆，我哋又香港地產agent上身mode，又chur住我哋個agent問佢有答覆未，佢先至話畀我哋聽，應該唔得喇，業主應該租咗畀第二個。我之後去理解下原來英國租樓同香港好唔同，喺香港有個地產喺中間幫你來來回回傾下價，得就得唔得就唔得，好快會知。原來英國租屋，業主代表會一次過收好多唔同準租客嘅counter offer，揸住十份八份喺手，慢慢睇資料，邊個最favor佢，佢就揀邊個。咁死啦！即係邊個價錢高就揀邊個啦！我走去減價，實冇行啦！😴😴😴
比一個counter offer畀業主代表嘅時候，其實我哋毫無保留咁樣畀曬啲個人資料畀比佢哋，包括passport副本，銀行有幾多錢，喺香港做嘢同收入嘅工作證明，差啲連祖宗十八代嘅資料都要畀埋佢，務求為咗要佢哋信任我哋揸bno visa嘅人，係合法，同埋有能力，兼好有責任地去租佢間屋。點解我哋要咁樣赤裸裸地畀人睇曬啲個人資料⁉️⁉️⁉️ 因為我哋個agent去幫我哋搵屋睇嘅時候都遇到唔少困難，佢話好多業主都三不租❗❗❗ 第一唔租畀bno holder嘅人，第二有小朋友唔租，第三唔親身過嚟睇屋唔租😣😣😣。喺咁嘅情況下業主要求我畀咩資料，我都要跪低🤧🤧🤧。
如是者，試過仲有兩間屋都係咁嘅程序，但係最後都無疾而終。到臨出發前兩日， agent再喺我食緊餞行飯嘅時候 send咗三段片過嚟，我見間屋有四幅牆，有個屋頂，仲有一個門口，我都唔理咁多，yeah咗佢先。因為之前已經失敗咗三次，三次我都係有減價嘅，今次見到間屋算係咁，就算唔連white goods，就唔減價直接回offer。唔知點解餐飯都未食完，業主代表已經話會租畀我哋，咁我哋當飲得杯落🍻🍻🍻去得安心啦

Gofunla

https://www.facebook.com/109255787557883/posts/300118575138269/?d=n

隔山租屋
身邊有幾個朋友都話擔心嚟到英國嘅時候租唔到屋，bnb 唔知要租幾多日，先至可以租到一間屋，諗緊好唔好喺香港就租定屋先.....我明嘅... 一個月bnb 價錢差唔多可以租兩個半月。
如果真係隔山租屋..... 一係經agent live video 睇樓, 朋友幫你睇... 或者搵sourcing agent 幫手。
嘗試出發前1.5 -2 個月開始搵一d 盤係你到步available 嘅盤.... 起碼唔使同現在已經在英國的香港人爭（其實又唔係淨係得香港人爭住租）。最好打電話聯絡Agent....email/ WhatsApp....就石沉大海多。
如果有人幫你睇... 最好睇埋附近嘅環境，亂唔亂，隔籬鄰舍有冇執好自己間屋嘅周圍環境。另外有冇neighborhood watching 嘅牌（通常罪案少d, 好似紙板警察咁...）可以上呢度睇吓。www.ourwatch.org.uk
隔住個mon 睇樓... 始終都係爭咁啲，例如間屋有冇氣味（某種香料味...可以好勁），聲音隔咗一層，又未必知道外邊高速公路有幾嘈。呢個真係好睇幫你睇屋果個有幾多經驗.....
一次過俾12個月租金就會吸引到業主？sorry.... 唔一定㗎。有啲業主寧願有個好租客（即係長住兩三年嗰啲）所以有時reference check 會問埋你過往居住紀錄。
如果搵sourcing agent... 就問埋包唔收傢俬... 如果諗住一落機就去新屋，但乜嘢都冇其實都好麻煩。之前安排定就好d lor.
我之前寫嘅租屋總結。
https://www.mcgazine.com/2021/05/blog-post.html?m=1

Gofunla

原文 https://www.facebook.com/102873618618292/posts/115502954022025/

疑似租屋騙案請大家小心小心提防提防
事源我一位朋友正搵緊英國租盤
同絕大部份暑假黎既家庭一樣
好想到埗前租到屋申請學校
朋友響Openrent 見到心儀租盤同業主聯絡
之後發現對家唔係業主對家亦要求交易私下處理
支付holding deposit 去personal account
然後對家會將Openrent 廣告響網上移除
對家不停催我朋友落決定
朋友就要求對家證明自己係業主
對家就開始冇耐性話佢反口
隨後朋友發現業主Surname 同銀行戶口Surname 唔一樣
決定終止對話
好可惜既係對家係香港人
到底呢個香港人係咪agent 呢？
點解佢要扮業主響Openrent 開post 放租？
我覺得Openrent 係一個安全既放租平台
租客支付既holding deposit 同期後第一個月既租金係會扣響Openrent 網站直至起租後七日內業主先會從Openrent 收到自己第一個月租金
所以千祈唔好私下過數比任何人因為咁樣係好難trace 同無保障
大家記得查證對方既身份
你可以要求業主提供Land Registry
如果業主唔肯租客係可以上網比錢拎呢份文件
我當時經Openrent 就係問左業主拎呢份文件同Passport cross check 身份
租屋好難但切忌過急
可能呢個唔係騙案只係有人扮業主放租從中獲利唔怕一萬至怕萬一希望各位小心為上

Gofunla

http://jcinuk.blogspot.com/2020/07/blog-post_4.html?m=1~

近來見到很多香港人隔山打牛式在英國買樓，亦見FB上有很多新「公司」成立，專門為港人睇樓。
.
我們絕無阻人做生意的意思，亦知真話未必啱聽，但亦想苦口婆心分享一下。
.
#搵啱嘅地方從來唔容易
由2016年到現在，我們在倫敦住過5個地方。最初我們以Zone 2一個一房單位作為落腳點。開頭我們是挺喜歡的，因為交通非常方便，亦讓初到埗很興奮的我們可以輕易地去到不同地方explore。但當住下一陣子後，我們還是覺得zone 2太過熱鬧，人流很多，晚上（尤其是星期五、六）非常嘈吵，令我們難以入睡。而且，離開香港本來就希望能親近大自然多一點，所以我們便開始睇樓找地方搬。
.
#信人不如用自己雙腳去走一走感受一下
於是我們在上班地點的 tube line 沿線每一站都去感受一下，之後再在感覺良好的地方找租盤。我們很清楚自己的性格特質、知道自己喜歡什麼類型的地方，所以看了幾間便找到心水。
.
「我去過xx市到旅行，覺得好正」
#旅行和生活從來是兩回事
安定下來的我們每個週末都會去不同的地區/城市走走。其實有很多城市我們都很喜歡 — 例如 Portsmouth, Bath, Edinburgh — 但一來我們的工作地點在倫敦，二來我們非常明白旅遊和居住是兩回事。以Liverpool為例（因為我們是LFC fans的關係，我們久不久便會到Liverpool睇波），那裡的市中心很熱鬧、建築也很摩登，但因為我們去得多，開始離開中心到橫街窄巷走走便發現中心以外的地方其實很老化。要了解一個城市，真的不能以旅行時看到的片面畫面作為基礎。
.
.
#倫敦好大架！
Greater London 比香港九龍新界加埋離島大，所以就算已決定住倫敦也要努力去尋找屬於自己的一個家。當年我們還是2人世界時，睇樓可以說是我們的拍拖活動之一，那時我們未有車，所以最能測試到不同地方的交通方便程度。曾經試過去London 南部一個細town睇樓，搭車去到town center已經感覺地方比較殘舊，火車站亦離市中心較遠，要露天步行10分鐘以上，坐巴士到附近大一點的town要45分鐘，結果當然是沒有選擇了。
.
#唔好盡信樓盤廣告
#親身感受周邊環境是基本啊！
又有一次，我們被一個超高質的新樓盤廣告吸引到而千里迢迢去參觀。嗯...... 廣告可真的沒騙我們，屋是很正的，但周邊環境和配套卻是貨不對版呢...... 什麼「20分鐘到市中心」都是取巧的。我們想說的是... 大家睇廣告當然覺得樣樣都完美，但如果你對那地區根本毫無認識，亦未親身去過，其實隔山打牛風險真的很高... 那些收錢賣廣告的KOL有幾多個真正有在那區生活過？單位/屋本身的質素固然重要，但周邊環境其實在英國買樓更為重要。
另外新樓一般都收取昂貴service charge ，這些都是那些賣樓廣告不會告訴你的，曾經見過2房單位需要另加£500一個月！更誇張的更見過£10000一年的service charge，又要供樓又要service charge又會否超過你的負擔呢？
.
#租樓熟習下
講真，如果只住過喺香港嘅高樓大廈單位，就算有人遙距幫手睇樓，但其實分分鐘連自己要留意啲乜嘢都唔會知。英國買樓真的是一件很複雜的事（搞足半年是平常事）。買樓fell through在英國更是等閑事，各式各樣理由都有，所以未到最後exchange contract都有可能隨時買唔成。就當你做足資料搜集，清楚了解哂 freehold, leasehold, share of freehold , shared ownership, building surgery, homebuyer survey等等，但幫你睇樓嘅人會有幾仔細呢？屋內的情況可以逐寸拍抵，那屋外的情況呢？附近嘈唔嘈? 同區多數是什麼人居住？買flat又有無睇過其他communal area? 周圍多小朋友設施嗎？該區的 parking permit 範圍覆蓋到屋企和要去的地方嗎？ etc etc etc ～買樓咁大件事（不過聽講有啲香港人賣左香港層樓可以係英國換幾層所以無咩所謂... fine... ok...），有啲嘢真係要親身去先感受到。
.
#一闊三大
最後想講多句，唔好講話英國咁大，每個城市嘅物價都有分別，就連倫敦市內嘅每區都有分別。之前喺 Hampstead 返工，日日感受住個種既posh又時尚嘅氣氛，交通方便得黎又有綠化嘅環境 (Hampstead Heath)，真係好恨可以住呢區。但係個區樓價真係好貴，亦唔止樓價，就連食嘢買日用品都貴啲。Hampstead 三房排屋要£1,000K；而同樣在倫敦嘅 Abbey Wood £400K就買到三房排屋，環境同樣清幽，生活費亦較相宜，加上Elizabeth Line 通車在即（2018講到依家😂），都算交通方便。一個南一個北其實都無得直接比較。
.
總之，其實就算只係計London每區都有好多特別之處，生活開資亦會大不同。有小朋友嘅父母尤其要睇清睇楚，有啲地區 BB full time nursery £1000/month 有找，但有啲則要 £2000+/month！有啲child friendly嘅區有好多舉辦俾小朋友嘅活動/學習班，相反有啲好舒服嘅退休區則好難安排到就近嘅小朋友活動。
.
講到尾總之大家唔好睇咁多扮唔係廣告嘅樓盤推介，因為KOL就算講到佢有幾鍾意到你去住時又未必係你鍾意嘅；人地需要嘅、負擔到嘅又未必同你一樣。奉勸一句，大家不論有或無小朋友嘅，都真係唔好咁心急買樓，黎到英國慢慢settle 下，多啲周圍去下感受下，你就自自然然會知道有咩地方適合自己。

Gofunla

https://www.facebook.com/101711512123171/posts/132722119022110/

英國租屋同香港有咩分別？
以下係我綜合呢段時間幫人睇樓所見到嘅不同，歡迎大家一齊分享所見所聞。

租客不用俾佣金給地產公司
地產公司有機會包辦晒所有嘢，業主淨係決定租俾邊個租客。其餘嘅嘢就會由地產公司安排，租落之後有任何頭暈身㷫都係聯絡地產公司安排處理。
亦有啲租盤，地產公司只係負責揾租客、帶客去睇樓，其餘嘅嘢就交由業主自己負責，包括交換租約、鎖匙交收、inventory check，同埋之後嘅維修。
鎖匙通常會係業主或者地產公司保留1 set。如果你要換鎖，你需要得到業主同意，同埋你都要交返一條鎖匙俾業主。
亦要留意返英國呢邊嘅合約細節，如離開租住單位連續超過某個時間（通常兩至四星期不等），就要通知業主或者地產公司。
如果離開超過七日至十四日不等，回家時就需要長開啲水喉並同沖吓啲廁所，以防退伍軍人症（即合約所寫的legionella bacteria)。
另須定期檢查並測試smoke / fire detector 以確保運作正常。
另外，業主或地產公司係有權喺24 小時前通知你入屋做inspection 的。完租約前兩個月亦都有權去你屋企影相，用嚟登招租廣告之用。
之前你所預先俾咗嗰5 個星期deposit 會放喺認可機構，到完約時扣除維修後（如適用）就會由業主/ agent 退返餘數俾租客。
絕大部分租金也不包括水電媒，council tax, TV license, 寬頻等。租樓時最好問清楚仲有冇其他額外款項，例如泊車費，管理費等。

Gofunla

租屋步驟

Tenancy Agreement
Tenancy Fee structure + 1 week holding
5 weeks deposit
6 Months Rental Fee
Inventory Check List 睇屋時裝置及損壞
Council Tax 要轉租屋人名攞地址證明
約3周收通知兩項 Deposit 業主要放在
DPS : Deposit Protection Scheme
Council Tax家庭成員有學生會減部份
電,煤要轉租戶名及可轉供應商
水冇得轉供應商因 1 only
Tariff Name 即前用户價目單可作比較
Compare the market/Uswitch網上比較
電費&煤氣’留意有冇Cancel或Exit Fee
上網速度ex: 1000m要£50-£60好貴
上網速度其實100-200m可, 約£25+電話
上網只有Virgin 用光纖比好及快
上網其他公司都係用電話線所以比較慢