https://www.facebook.com/uk.immigrant.story
覺得倫敦多工作機會，有大城市多姿多彩生活。
同埋喺倫敦如果識搵嘅話，一房apartment嘅價錢其實仲平過屯門廿幾三十年嘅上車盤。
又因為visa關係，年薪要有一定水平先會批visa，所以點解之前經常講個visa每月要資出£1000稅就係呢個原因。
但如果用呢個原本嘅disadvantage, 去問銀行做mortgage, 就變咗一個極大嘅advantage，最終好輕鬆銀行一日已經批咗我嘅申請。
所以先有機會喺倫敦第一次做業主。
打咗咁大堆開場白，而家正式去正題。
同香港比較，其實倫敦嘅一房apartment已經係四四方方好夠2個人住。
但今個星期去咗幾個北面嘅城市，都有香港嘅朋友喺度落腳。
其實今次去探朋友，係想感受吓唔同城市嘅生活體驗。
住咗喺一個舊同學屋企幾日，佢哋係3房排屋，窗口望出去已經係河景，室內空間都有近900呎。
再問吓價錢，倫敦間屋價錢可以買4間。
如果用返倫敦間屋嘅價錢，買半山4房，新裝修，滑雪景都仲有錢剩。
應該係貧窮限制咗想像力。原本覺得上到車，夠住就好。
但原來同一個價錢，個環境可以相差咁遠。
心裡會再諗，其實係咪可以考慮搬離倫敦。
當然仲有大量考慮因素，工作，朋友，治安，交通...仲有揸車，唔識揸車真係較難住呢啲城市。
工作佔嘅比重最大。
所以總結係，快快趣趣學多一樣喺任何城市都應用到嘅工作技能，同埋一定要學識揸車。