去英國前買定

Gofunla

口罩

英國常見出售既口罩都係大陸做，bfe/ pfe/ level 1/2通通都無標示，效果成疑，Boots一盒大陸做口罩50個賣£25, 一係就賣無防菌能力既布口罩。所以盡可能香港帶多d有認證口罩去英國。

2.膠拖鞋

係，你無睇錯，你以為香港周圍都有既膠拖鞋呢度唔係度度都有得賣。因為英國人多數入屋係唔會除鞋，所以多數夏天先會有沙灘拖鞋賣，所以真係無帶拖鞋既你唯有等Muji開去買對接近£10既人字拖。

3.電飯煲

係，呢度係有得賣電飯煲，但只係禁一個制煮飯嗰隻，£20左右。如果你想要好似香港咁可以煲粥煲湯，sorry,呢度有韓國牌子Chuckoo,但要過千，所以我黎之前帶埋個一人多功能電飯煲，煲粥煲湯都得。

4.廁紙筒

如果平時用開盒裝紙巾可以唔使睇。但好似我呢d懶得去買多條盒裝紙巾既懶鬼,呢度係無廁紙筒呢樣野嫁。

5.有蓋既水杯

係呀，又係無睇錯。呢度賣既水杯多數都無蓋嫁。好似我呢d有潔僻既人係唔會接受到，一定要用有蓋既水杯。

6.得意文具

Sorry,呢度係無文青既野嫁。Sanrio,鬆弛熊，有係有得貴到爆炸，所以如果你鍾意得意野唔該香港帶埋過黎。

7.新款電話/電腦

香港買到既手機同電腦係平過英國，而且config都好過呢邊嫁，所以如果你想換機唔該買咗先帶埋黎。當然check吓英國有無保養啦。

8.手機電腦周邊用品

同樣道理，叉電線、外置hard disk呢邊又係貴同無咁新款，所以如果你有時間就去高登睇吓先啦。當然，手機套同手機指環最好買定啦。

9.日韓化妝護膚品

大家都知道日韓化妝護膚品幾啱亞洲人用，雖然英國都有得用Amazon訂，但又貴又唔齊，所以記得黎之前入定貨啦。

10.大眼Con

英國配眼鏡又貴又煩我諗大家都有聽過，原來大眼仔都唔係好似香港咁就咁Walk- in 買到嫁。雖然韓國Olens有得訂完運黎英國，始終都無香港買到咁方便，所以記得帶開配定帶過黎啦。

Gofunla

到埗兩個月，我都幾後悔帶左叉羹無帶筷子...
同埋買 printer 同工具認真重要。
https://youtu.be/XwZnSVQ6aPc

Gofunla

原文 https://www.facebook.com/104726534850656/posts/161367885853187/

十大要帶嚟英國既野

呢排見好多朋友既BNO visa已經批咗，恭喜恭喜！大家一齊移英擁抱自由！
嚟咗英國咁耐，我有好多野好後悔當初冇帶過嚟/冇買多啲，執緊船運嘅你，睇下啱唔啱洗？
1) 唔洗講，一定係電飯煲！
雖然好多人都話呢邊都買到飯煲(我都用不銹鋼煲煲咗3個月飯)但係香港平靚正既多功能電飯煲，響英國真係少不得！有時間制又有煲粥功能，響英國真係冇乜選擇，當你響英國住耐咗，一個好既電飯煲真係必需品
2) 中式廚具: 蒸架、蒸碟、碗筷.....等等
本來我都覺得咁多唐人街咁多中式雜貨舖，要買咁真係唔難既，但要同香港一樣平靚正就好難喇
3) 電熱水瓶Electric Thermo Pot
香港家家戶戶都有1個，英國都買到既，不過又係比較貴同選擇不多，佢地比較常用熱水壺，即係煲咗水倒落去保溫嗰種
4)真空煲
煤氣電費都貴，一個真空煲幫你炆野煲湯慳唔少
5) 床單被袋枕頭袋
呢度買比較貴，我又覺得冇咁好用
6) 電腦、遊戲機、手提電話
一個字_貴
7) 退熱貼暖包
呢度真係難搵
8) 電蚊拍
進入春天，呢度啲飛蟲真係多到你暈，必備
9) 口罩
搓手液同口罩其實周街都買到，但呢邊口罩嘅質素同價錢都唔太好，建議帶定多啲，疫情唔知幾時先會完
10) 衛生巾護膚品？
聽講唔係咁好用？有空位、又怕用唔慣可以帶定啲，因為呢啲野我已經搵到替代品喇，唔係太差，嚟到唔怕試用下吖！

Gofunla

source: https://www.facebook.com/HereAfterinUK/posts/152077806837121

揼心口冇帶：
1) 電磁爐 & 打邊爐鴛鴦鍋
(結果：Amazon 4, 50鎊買過個爐, 以後都冇鴛鴦鍋~)
2) 個底少少平嘅中式鑊 (天上X 或者牛頭嗰D) 、中式銻碟、蒸架 & 蒸夾 [請確保英國新居是明火煮食！]
(結果：Amazon 4, 50鎊買個MIC 蒸鍋, 唔係電嗰種, 係傳統有幾層裝燒賣粉果腸粉嗰種)
3) 日式陶瓷鍋
(結果：搵唔到、唔捨得買, 冇得煮煲仔飯)
4) 飯碗
(結果：好似食燒味飯咁 - 碟上或者大碗上) [PS：而家夏天超市有膠碗賣for BBQ, 係飯碗Size, 雖然唔係紅色, 但我覺得似拜神用......]
5) 家用探熱器 (隨身行李)
(結果：唔捨得買)
6) 藥油、跌打酒 (隨身行李)
(結果：唔好病, 唔好仆街或拗柴。未行過Boots 唔知有冇, 亦冇spend 來回3小時以上嘅車程去光顧華人超市)
7) 翻譯機 (隨身行李)
(成日諗住Google Translate 就夠, 不過都唔好特登買, 如你本身有, 袋住佢會更安心)

估你唔到特登帶嚟物品：
1) 塑膠製鞋盒 - 本身我香港嘅居所, 冇用鞋櫃, 轉左用鞋盒, 一個一對, 可疊高使用, 亦可阻止無止境買鞋！
帶哂過嚟之後, 仲唔洗諗買鞋櫃、搬鞋櫃...... 亦繼續阻止無止境買鞋！
2)塑膠製櫃桶 - 本身放衫用, shipment 時製造大量空間將其他家居雜物收納, 一同上船！
3)紙巾 - 你冇睇錯係紙巾！由其是出街用細細包嗰d, 當然唔係Tempo 啦, 平得嚟又好用係萬寧啦~
用信用卡積分換嘅禮券, 終於有用武之地, 連屋企用嘅面紙都有入D ship 過嚟
原因係呢度d 紙巾好厚實, 少主成日用一下就掉, 好浪費！
當然呢度係咩嘢都有得賣嘅, 係貴少少啫, 一段時間就會習慣~

至於衫褲鞋襪......
我自己嚟講, 為咗習慣簡樸嘅生活, 都以運動型或者Causal wear 為主, 冇再買新衫喇, 嚟到幾個月來來去去都係行李入面嗰幾件... 咁當然一定要比D願景自己, 適應好之後可以繼續扮靚靚啦；
至於小朋友嘅衫...... 暫時嚟到都係著校服多, 睇嚟都係聽捐出去... Ship 到過嚟嘅鞋已經唔啱著 (著住起行嗰對都係~)
反而想提提大家可能要準備多幾套家居服喎... 以前喺香港, 躝街多過喺屋企, 而家完全相反, 仲要成日喺廚房, 唔知大家有冇聽過英國屋企D抽油煙機好多都流嘅呢? , 而自己把頭髮同埋著緊嗰套衫褲就係最吸油煙嘅, 隨時每日換一套, 又唔想頻密洗衫的話要諗諗喇~
另外如果你係長頭髮嘅, D紮頭髮橡筋, 頭箍, 大夾嗰D可以自備一D過嚟, 個人覺得喺英國買呢類嘢唔係咁抵
(唔知點解我嗰度嘅Poundland只有小朋友髮飾賣, 所以以上個人意見大家可以做個參考~)

總結：我本人係嚟到英國之後先真正學習持家, 以前所有嘢都係靠工人姐姐嘅, 所以我個人比較需要輔助工具去達至我想整齊或者美觀嘅要求~
入廚方面我只係BB班, 只會煮自己喺街食過又好味嘅菜式, 基本嘅煲中湯呢D 我係完全唔識, 所以純粹分享一下自己暫時嘅情況, 可能有D嘢我仲未發現到㗎~~
都係嗰句啦, 用錢一定買到心頭好嘅, 問題係揼住心口焗住買還是開開心心咁買啫~

Gofunla

原文 https://www.facebook.com/101436878631214/posts/121508526624049/

早前去咗Tesco Extra，好大好大，咩都有得買🤩
2個鐘都行唔晒😅
好多人好關心嘅，就係究竟使唔使運埋d家電黎呢？
其實好多超市已經有得賣，大間d款式自然多
▪︎風扇有幾款，不過唔知涼唔涼
▪︎電飯煲都有，但得呢d款，最好都係自己帶，我就hand carry上機
▪︎其他例如多士爐、微波爐、氣炸鍋就好多款式揀喇，價錢都唔貴
而bb用品都平過香港，香港賣到好貴嘅奶粉，呢邊平1/3價錢左右，尿片都好抵！不過呢2樣野我地已經唔需要

Gofunla

https://hk.appledaily.com/finance/20210417/DQZ5XTQ6H5F4ZC2GJX5W2KQ34M/?fbclid=IwAR2RMcXV9UF5WJg5t7nDmo_ziZbiiML4PiNxwmkD8TNRJFMSelj1bUZLaH8

小弟一支公由香港來到英國，隨身只有大細兩個篋加背囊。有讀者關注我實情帶了些甚麼東西。動筆前我再翻一翻行李確認，必須品其實不多，可細分為七項。文末第八、九項屬於選擇題和居英香港女生給一眾絲打的意見。
一、學歷和證件

學歷和證件是最基本也最重要。公開試、高等教育證書和車牌等自不用說，若曾取得任何專業資格證書，不論英國承認與否，亦請攜往，他日求職時可供僱主參考年資。

另外有點要提一提。若然閣下在申請BNO Visa階段，選擇親身前往簽證中心辦手續，取回證件時應該附有一封信，請務必帶同；結束隔離後攜同信件和身分證明，前往信中指定地點領取生物特徵居留證（Biometric residence permits，BRP）。
這是筆者的生物特徵居留證（BPR），背後寫明不准領取公共資金福利，且無國民保險（NI）號碼，要再另外申請。
這是筆者的生物特徵居留證（BPR），背後寫明不准領取公共資金福利，且無國民保險（NI）號碼，要再另外申請。
二、衣物

小弟只備約一星期衣物，包括四條長褲、四件防寒內衣、四件T恤、兩條短褲、兩件冷衫、一件Gore-Tex、一套西裝、一對冷手套、一對皮鞋、兩對波鞋，還有底褲和襪。英國較香港乾燥得多，洗完衫晾在室內亦很快乾，勤力少許一定夠着。執衫時記住三個關鍵詞：保暖、防風、防水。
三、現金和信用卡

小弟帶着5,000英鎊入境，太多；飲飲食食連搭車買餸，大半個月來用不到100鎊現金。英國一二線城鎮大多商店已接受電子支付，坐的士和巴士亦然，信用卡反而更大用。

我曾以為出發前開設英國銀行戶口是要務之一，但因急住走而未及辦理，驚青了幾日才知不必急。一來部份香港信用卡有海外簽帳2%現金回贈，足以抵銷海外簽帳手續費，最終埋單與實際匯價相差不遠。二來英國虛擬銀行效率不錯，我在隔離結束後轉往民宿暫住幾日，問准屋主借地址後才申請虛擬銀行戶口，兩日後已收到張卡，好使好用。有閒時反而應留意英鎊匯價，見平就買。關於匯率哪間抵、電匯怎樣免手續費，我不想無啦啦賣廣告，讀者要自己做少少功課了。
四、電話和電話卡

這兩件嘢其實也是基本，但要提醒兩方面。首先，記得帶支針換sim卡。其次就係盡量保留香港電話號碼，為慳錢計最好先轉落較便宜計劃，還要問清楚有沒有國際短訊服務。就算身在英國，初期不少事項仍要靠香港個號碼接收短訊認證。至於買部雙sim卡電話抑或另外帶多部機過英國呢？閣下自定。

假如份約有排都未到期，並料滿約後無法回港處理，可以看看哪些供應商提供全自動化服務，讓客戶自行在網上處理轉約或轉台，屆時轉落張eSIM度。當然，到時你要有部電話支援eSIM才好。
五、少量藥物

我認為英國食物水準雖然不差，但是實在遠遠比不上香港，加上大量汁醬和濃郁調味料，吃不慣也許會水肚不服。帶定止暈、止屙等基本藥物，有備無患。

有朋友關注英國當地「硬水」如何。飲食沖洗都用硬水，會否未老先禿暫屬未知數；啲水飲落又唔會搞肚痛，係陣味怪怪地。隔離結束後，我第一件事係去生活百貨店買濾水壺。篇幅有限，下回再說。
這種濾水壺在英國生活百貨店必定有售，用來隔除水中多餘礦物質，每個濾芯可用30日。濾過的水飲起來感覺滑一點。
這種濾水壺在英國生活百貨店必定有售，用來隔除水中多餘礦物質，每個濾芯可用30日。濾過的水飲起來感覺滑一點。
六、口罩

英國人對於戴口罩個態度仍然麻麻地，不少人只因室內場所有規定才會戴上。雖曰當地武漢肺炎確診人數持續下跌，不過一日未正式走出疫情，各位仍須好好保護自己。我幾慶幸出發前去阿布泰生活百貨買咗八盒口罩，夠用一年。英國口罩又貴又無特色，不及下圖呢隻黃甘甘咁好睇。
七、搵食架生

小弟有幸受香港同胞關照，過到英國仍有少許收入，例如在《蘋果日報》財經版每星期寫篇周記呃吓稿費。亦因如此，我就要帶同電腦和相機。假如閣下仍跟香港任何機構有業務來往，小弟並不建議來到英國才買電腦，否則單單安裝繁體字型已經可以花上一整天。
筆者出發前購入大量口罩，拆開紙盒有咁多塞咁多落篋。圖中一袋約有400個，預料夠用一年。
筆者出發前購入大量口罩，拆開紙盒有咁多塞咁多落篋。圖中一袋約有400個，預料夠用一年。
八、其他立雜

十日隔離期不算長，但總不能單純食瞓屙。為此我帶了一部電子閱讀器和一部Switch，搭飛機以至去到酒店隔離時，看看書、打打機，不致悶到發瘟。鑑於自己腸胃敏感，我又傻更更帶了兩卷廁紙上機，不如買返一排廿包紙巾好過。然而百密總有一疏，如果再來一次，我會想帶點保濕護膚產品，尤其是本身屬於乾性皮膚。這邊天氣實在乾燥，晚間開了暖爐就更犀利，有朝起床我見所以臉上多出一道血痕，嚇一跳，細看才知是爆拆。
九、來自居英女性的建議

為確保本文男女都啱睇，小弟撰文前問過幾名身在英國的女性朋友意見。她們特別呼籲各位絲打要帶大量特長衞生巾、茶包、指甲鉗；原因分別是：「英國無得買特長衞生巾」、「香港茶包好味啲」、「男人老狗你唔使識，一講指甲鉗班女就明。有好多嘢要剪要刮，外國產品未必啱香港女仔。」吖，指甲鉗如何有用，我又真的不懂。各位看情況要帶就帶吧。

Gofunla

原文 https://www.facebook.com/109255787557883/posts/283185243498269/

身邊嘅朋友大部份都準備五月六月七月過嚟，佢哋都問究竟有啲咩一定要帶過嚟英國。
以下係從我老婆角度諗的：
如果俾我再返轉頭一次，我會執喺篋嘅物件如下：

枕頭，尤其是小朋友嘅記憶健康枕，這邊冇咩款
用開嘅藥膏同藥物
用開嘅化妝護膚品
輕便嘅被（方便頭幾晚未買其他被之前可以有得用）
電話玻璃貼
6.十二蚊店嘅輕便小家品（例如浴缸塞、掛鉤、細件但又係你平時喺屋企用到嘅嘢）雖然有些這邊都可以買到，但係價錢上我覺得唔係太值，都只不過係中國貨。
這邊的M巾種類係香港以前一般有嘅款，如果用開近年才興的液體M巾，這邊未見到。聽聞因為這邊有些人用M棒，所以M巾種類唔多。
喺香港類似盒裝紙巾但係用膠袋裝住那款（如virjoy, Kleenex and tempo那些)，這邊完全沒有，只有£1一盒嘅盒裝紙巾，唔抵用。
卷裝廁紙筒嘅container 這裡完全搵唔到值得買的，只有£10/£9但普通款卷裝廁紙筒，所以我到而家都冇買，因為覺得唔值。
款式靚嘅食飯碗（如Japanese style)可以帶足夠自己一家人的，這些細飯碗這邊款式唔多，價錢亦貴，西方人用嘅大碗就有好多款。
小朋友衫可以唔使帶咁多（如果冇位嘅話）因為這邊好多款，價錢亦唔貴。我哋去一轉primark, 已經幫亞女執咗好多套睡衣加平日出街嘅衫。運動服飾方面，去一轉decathlon 已經可以買齊晒，價錢唔貴。
Rice cooker 仍然覺得香港那些最好
煲中湯嘅材料，例如南北杏，蜜棗，冬菇，雪耳，菜乾，乾瑤柱等等，在香港買會平好多靚好多。（PS: 這裏冰糖片糖和煲糖水嘅材料亦貴，只有中超才有，不過冇理由嘥咗個篋嘅位, so just for your info)
喺12 蚊店那些裝小巧嘢嘅”dull”, book racks etc, 這邊貴,款一般。
仲有我喺呢邊買咗啲coffee mugs，但那些款係冇杯蓋的，我以為我可以喺呢邊搵到那些植膠款嘅杯蓋，但係我搵咗好多間都搵唔到杯蓋，所以個杯係繼續冇蓋的，等shipment到就會有返啲蓋。
As mentioned, 我覺得你可以去一間大嘅Living Plaza度行一轉，見到邊啲唔重唔阻位嘅，又係平時生活上用開嘅小物件，可以買過嚟，因為呢邊一係冇，一係貴。好似我哋咁，每一樣野都幾磅幾磅，當買齊曬生活上要用嘅小物件時，加埋都會用上好多錢。
另外可以買定新嘅電話(如果諗住隨時會換機嘅話),同埋一啲用開嘅gadgets, 香港買會化算啲。
如果行李篋仲有位，將香港用開嘅拖板全部帶過嚟，因為這邊地方大，要用拖板嘅機會對我來講都好多，帶過嚟唔使再嘥錢買。
但其他kitchenware and cook set我覺得實在太嘥位，這邊有嘅款式亦都好多，又新又唔貴，我就覺得唔需要特別帶太多過嚟，寧願喺度買啲新嘅，等自己用新嘢開心啲。

Gofunla

原文 https://www.facebook.com/104576288526586/posts/106433918340823/

如果行李仲有位，建議大家可帶埋以下已經有的家品，雖然英國隨時上網都可以買到，但係價錢確實比香港貴，這是作為一個要慳錢的家庭主婦意見圖片只作參考😅
1，拖鞋（拖鞋款少多數毛毛鞋最平人字拖 Primark£2都有）
2，掛鈎（銀色貼牆身的要£一個 3M要£3左右因為租樓不可隨便鑽牆所以掛勾最啱）
3，記憶枕（我只在 ikea買到£15小童/£30大人沒其他款可選了）
4，飯煲（超市都有普通飯煲買£20-30 要求唔高可以唔帶我就帶埋個人覺得日本牌子較好）
5，厠紙筒（圓形厠紙筒買唔到盒裝紙巾貴）
6，蒸餸架筷子油壼（中超有款少中國製）
7，磨刀石（我在香港$12店買定了2個）
8，洗衣袋（咁輕早知帶埋來）
9，煲湯材料（如蜜棗冬菇元貝等我無帶去中超買唔靚又貴最後要親友寄來）
10，藥油（花園公園多蚊蟲白花油蚊膏咬完幫到手）

Gofunla

https://www.facebook.com/%E7%BE%85%E6%85%A7%E6%B2%81-Jasmine-Law-764914540348830/

【帶定唔帶?】
隨著學期結束、LOTR延長 (尾班車?)，相信未來兩個月，機場的送別情況仍會持續🥲
綜合個人經驗 + 都巿傳聞，整理咗一啲個人packing心水，希望幫到大家!
🟡 M巾、紙巾:
唔好笑呀! 都巿傳說話呢度啲M巾成呎厚, 紙巾又貴, 所以PACK嘢就攝啲入去…
其實呢，呢度有正常厚薄的M巾既，當然你想搵特長、特厚都會有選擇啦😅
至於紙巾, 呢度的確係貴啲啲, POCKET TISSUE又無咁多款式, 但呢啲日用品, 帶得幾多呢? 屋企有多可以PACK埋, otherwise不用特登買多啲嘞。
🟡床褥、枕頭:
呢度的床褥、枕頭偏軟係真的, 但係咪搵唔到硬架呢? 咁又唔係。
以本人為例, 瞓開較硬的側睡枕, 床褥瞓開較硬的太空棉, 喺呢度都搵到。枕頭仲要買到一款喺香港/台灣/日本買貴貴地嘅款添！
若果瞓開彈簧床、鍾意軟啲床褥, 咁就梗係喺度買啦! SEALY床褥香港買, 入門價_萬五, 呢度幾千蚊都買到。想比較下款式、價錢, 可以去mattressonline睇下:
https://www.mattressonline.co.uk
不過留意返, 香港同呢邊買的SEALY款式不同, 所以你喺香港SHOWROOM試咗都未必有用架🤪
另外mattressonline有可30日內免費退貨, 我地第一次買咗張SEALY試下, 但發現都係賤骨頭, 彈簧床太淋嘞…..退返貨, 再買一張硬係太空棉, 不過就麻煩少少, 要搵搬運公司收返張床褥, 嘥咗運費囉…(當然你要留意返人地個退貨terms & condition啦!!! 唔好亂嚟整臭”香港人”個名呀。)
🟡家品
衣架、筲箕、調味料盒, 好多人都會覺得: “丟啦, 去到再買啦呢啲平嘢”。唔係話無，不過啱唔啱心水同價錢又係另一回事。去Amazon睇下…
鐵線衣架呢度又真係無;
洗菜筲箕連底嗰啲, 呢度又係唔興;
調味料盒….價錢都係1X蚊, 不過係英鎊計。
若果有用開、啱心水的, 唔好浪費, 不妨寄埋佢啦。千金難買心頭好, 日日用嘅嘢, 有時差少少, 就係差嗰少少, 你會好懷念舊愛😆
🟡抽濕機:
個人覺得好有用! 原因….
1) 地毯地好"吸濕", 而呢度大部份屋都會大範圍鋪地毯;
2) 冬天陽光唔夠, 間屋陽光照射唔到的位置會更濕;
3) 與香港不同, 呢度冬天潮濕(+日照短), 啲衫會乾唔到 (除非你OK洗完即刻丟入乾衣機乾埋)
我本身有2部, 運咗1部過嚟, 而家都想運埋另一部過嚟呢….
🟡各式中式醬料:
中超咩都有………………..當然貴過香港, 但都係嗰句，呢啲消耗品, 唔帶得幾多, 呢度會買到架。唔使太擔心, 可以開頭帶少少,安頓後去中超補貨啦 🙂
✳️總結 ✳️
⭕大原則係: 去amazon睇下, 買過會貴啲/搵唔到心水, 咁就帶埋過去啦;
⭕CHEAP嘢如家品, 呢邊未必買到啱心 + 佢都可能係淘過嚟 (我自己就喺度買咗個已經算好平, 盛惠6鎊嘅調味料盒,等咗2星期左右, 個盒身係貼咗張簡體字label…) ;
用得唔好嘥, 啱就拎走啦;
⭕貴嘢, 如洗衣機、乾衣機、雪櫃等, 搬運可能做成損壞, 加上歐洲機呢度買一定係多款同平啲;
⭕日本嘢、精品嘢, 呢度無咁多”千奇百趣”、日本卡通嘢, 如Hello Kitty洗衣袋, Mickey鑊剷, 見到啱、用開, 不妨帶埋啦;
‼️最後一樣, 真係❤️ #心水推介 ❤️ ，就係吸塵機械人!!!! 呢度多數都係舖地毯, 污糟情況稍後再講, 間中當然要用重型機洗, 日常吸塵的話，地毯係好啜地, 會相當吃力….加上地方大、沒有工人姐姐幫手, 家務真係要諗方法節省力水同時間！
吸塵機械人外國網有不少選擇, 至於內地品牌呢….平就平, 不過就要考慮資料安全嘅問題嘞….