https://www.facebook.com/rickybabamelbourne/
移民🐶🐶嚟澳洲，要預早7-9個月開始準備，不能少於7個月，一開始🐶🐶會需要抽一個rabies既blood test，check佢有冇注射瘋狗症針既抗體，呢個test驗完之後，要等180日後再需驗多次，要2次都pass，🐶🐶先可以移民，所以好重要，點解要咁早前攪移民就係因為呢個test了😃
驗完呢個test，基本上都冇咩嘢做，係度定狗狗既身高，寬度，長度去準備個飛機籠既size。如果屋企夠位，強烈建議早幾個月拎定個飛機籠比🐶🐶適應同習慣呢舊嘢既存在，咁佢地會安心好多，強烈唔建議飛既時候先拎飛機籠再放🐶🐶入去，咁樣對狗狗會造成好大壓力。當然每個寶貝🐶🐶既適應能力都唔同，大家可以因應自己寶貝既淡定程度去決定提早幾多拎飛機籠。以我為列，我🐶🐶係好難適應一舊新既外來巨型物件，所以我早4個月就開始比佢習慣。
到飛前2個月，會開始再見獸醫，共有3次appointment
1st 飛前2個月，見vet滴frontline
4星期後，2nd
見vet抽血驗rabies抗體，滴frontline，食杜蟲藥
4星期後，3rd
見vet滴frontline，食杜蟲藥，簽發🐶🐶健康證書
（呢個時候或之前可以問埋睇開既vet拎🐶🐶過往既病歷電子記錄，咁過到澳洲既醫生就可以方便了解🐶🐶既情況喇）
跟住agent就會飛前去漁護署攪埋個健康證明既出口文件
跟住就可以準備出發喇！
到出發時候，agent會由你屋企直接接🐶🐶去機場，再做埋check in手續，所以接走🐶🐶後，就隔離完成後才見面了
移民澳洲，係會去左Melbourne既一個隔離中心，叫PEQ (Mickleham Post Entry Quarantine Facility)，🐶🐶會需要隔離10日，到達後隔幾個鐘後會收到email通知🐶🐶已到埗，跟住冇咩特別事就唔會收到email講解🐶🐶既情況，直至到可以預約接得🐶🐶既時間(通常隔離第7-8日)，就會收到email通知可以預約接狗狗既時間，跟住就可以接返寶貝🐶🐶見面喇。
如果🐶🐶隔離期間，有特別既飲食需要，或需要食指定既糧或食物，係可以預早準備再送過去隔離中心
不過因為疫情關係，🐶🐶隔離完10日後，我地係仲喺酒店隔離14日中，如果冇屋企人或朋友幫手接🐶🐶，可以搵當地有寵物接送服務既寵物酒店暫住幾日，再有專車送嚟你到，咁就團聚喇😄👏🏻
如果大家有寵物移民既疑問，或者寵物隔離或接送問題，或者Brisbane寵物或人既生活上需幫忙，都好樂意協助＆解答架😄👍🏻
希望幫到下個帶埋寵物嚟既朋友仔啦😊
後記：
因為早排帶🐶🐶見獸醫，佢話好多人移民都冇帶寵物走，所以好驚訝我地會又帶住👶🏻又帶住寵物過嚟，佢分享話好多人移民過嚟自己都未太照顧到自己，好多人覺得太多未知知數，怕handle唔嚟，所以就轉比親戚朋友養，甚至棄養，其實我都明白，不過我當佢地係親生架，點會捨得呢😭
希望我都可以幫到就快過嚟或考慮過嚟既人，等佢地知道過到嚟有香港朋友可以幫手解答，幫助佢地settle下來，咁就可以安心帶埋寵物嚟，希望可以減少移民棄養既機會啦💪🏻☺️