https://www.facebook.com/%E6%B2%99%E5%B7%B4%E6%96%AF%E6%96%87-%E8%88%87-BN%E5%A5%A7-106715004211158/
黎左三個月終於要幫襯英國既醫療系統。話說小朋友心口痛，又未register倒GP，唯有直踩上就近既NHS clinic。果然冇register到係冇得睇，個姑娘叫左我地直接去醫院睇急症，寫左張字仔比左個post code我地，之後就直跋去醫院。
急症室有分成人同小童，小童急症室到貼晒卡通牆紙又一路播住卡通片，好似以前香港麥記既細路區咁，感覺良好。
登記時姑娘除左問症狀之外，仲會問你攞NI number，小朋友未有NI number既情況下，姑娘睇左一下個passport 就算登記完成。見左兩次醫生，醫生問左一堆問題同細心解釋完d症狀成因，就寫紙比我地去返醫院入面既pharmacy 攞藥。排隊睇醫生既人吾算多，十個以內，全程3個鐘攪惦，除左泊車要比錢外，其餘全部0收費，真係快靚正。
成個過程小朋友都感覺良好，至少吾洗响急症室等8個鐘，仲要我地乜NI number都未有，一樣係吾洗錢，算係照顧周到。我地唯有就比心機交稅貢獻下，吾好成日諗點交少d稅喇😂。
最後總結：黎到盡早register GP，未批5+1都照可register。