Cul-de-sac location 即係咩？
.
唔知大家搵樓時有無見過 Cul-de-sac 呢個字呢? 喺地產界cul-de-sac location係指間屋嘅位置喺掘頭路嘅盡頭。有時啲樓盤都會特登講明係cul-de-sac location，因為呢個係一個賣點。
.
好多新規劃嘅巿鎮會刻意建造出 Cul-de-sac 嘅街。有別於位處繁忙嘅街道，因為喺掘頭路盡頭，一般只有住你隔離左右嗰幾戶嘅車會駛入去，相對寧靜。
.
亦有個講法係，來來去去都係嗰幾個鄰居同嗰幾架車，如果有陌生人出現，大家好容易發現到，亦會一齊提高警覺，留意有無危險或者特別事情出現，會比較安全。
.
同埋一出門口，車無咁多，對於有小朋友或者寵物嘅朋友都會係好嘅選擇，當然都要教小朋友小心睇車啦。