原文 https://www.facebook.com/109004111249632/posts/135505735266136/
英國公立學校一般行就近入學政策，住得近有著數。
所以之前搵屋我就首先俾咗一個月登記學校資訊網Locrating(£7.99加咗價😏)，期間努力溫習曬心儀校區嘅學校，縮窄範圍後就開始搵屋。
同時間你可以開始email學校問收生情況，確認有位後就租心儀嘅屋；呢個係幾理想嘅情況。
我見council只可以填3間小學，所以我佛系問咗3間心儀小學收生情況：
第1間：翌日回覆只哥哥有位
第2間：校長翌日上午親自致電我了解小朋友性格、喜好及生活習慣，下午就話收佢哋兩個，簡直受寵若驚。
第3間：1星期後回覆只哥哥有位
因此，我就揀咗第2間，又或者係學校揀咗我哋。然後補交Council網上報名手續，因為收生與否主要都係學校視乎情況而決定。
隨著大量香港人陸續移英，大部分人又選擇聚居同一區域，屋同學位一定會變得緊張。我想一提係有時搵屋搵學校可以係一個累人嘅過程，你或者會偶爾覺得沮喪⋯⋯
所以你要有心理準備面對逆境波。當時我大仔痛失心儀中學學位時，我都失望咗5分鐘，然後同自己講世界上邊有咁多好彩架，正面啲；點知真係有奇蹟出現☺️
其實，我沒有太過進取，我沒有在香港租屋，亦沒有預先搵定學校，而且最後連地區都轉埋🤪，仿彿純粹憑感覺及運氣完成。C’est la vie!