https://www.facebook.com/HereAfterinUK/
關於BNO Visa... 我嘅申請過程係低能同錯漏百出嘅, 但係我信條隊係有郁嘅~ 🤞🤞
(真係有郁, 大家唔好咁擔心, 雖然我明白事情越來越急但又無助...)
🧘♀️我決定佛系, 我冇打過電話, 亦冇send過 email 去escalate cases, 呢種另類申請方式, 都收到通知批咗 ----- 只係未批哂！
希望俾大家可以安心一下, 唔同人唔同家庭唔同時間遇到嘅情況都唔同, 結果亦會唔同, 你冇錯我冇啱亦唔會有絕對正確嘅路線, 但我深信大家最後都可以成功申請！ 💪💪
(Apply in UK)
我哋夫婦 23/2 用app申請, 同日小朋友用返傳統方式, 當時time slot 大塞車, 差唔多一個星期後先約到 29/3 嘅Appointment 去Bath 嘅 Center 打指模影相, 仲要係加咗 £7x 俾所謂嘅Priority Service~
我係第一個做登記嘅, 23/2 當日唔知係唔係太早, 亦可能係我㩒錯, 條link 冇帶我去Scan passport, 入完一大堆資料之後, 帶咗我去俾 £269.20 同 IHS £3,150。
由於當時冇留意簽證費用 £250 同 £269.20 嘅分別, 盲舂舂咁就俾咗錢...
(如果你現在開始申請, 喺最初幾條問題之後冇帶到你去scan passport 嘅版面, 就要取消申請再重新做過喇~ 當然你都可以去到最後, 用系統收你幾錢簽證費用去衡量有冇去錯邊嘅, 只要臨涯勒馬唔俾錢, 取消成個申請重新入過就可以)
£250 = 用app scan 自己passport 同影相, 唔洗約appointment 去center 打指模, 簽證冇實體證明文件 - 即是唔會有嘢貼喺passport, 亦唔會有BRP！
唔知香港申請係咪都係一樣? 如果係, 我諗係因為咁, 所以個VISA冇限申請人出發日期, 至於咁樣會唔會令到你要喺VISA 發出日期起計嘅 5年後, 因到期要再續, 又或者IHS 要唔要再pro-rata 俾呢d 技術性問題, 應該最快都要5年後先知~
£269.20：多咗嗰 £19.20 就係Center 服務你、整張BRP嘅service charge, 即係代表你要約appointment 去center 打指模, 情況同一向以來嘅學生簽證相似, 喺香港嘅申請者要擺低本passport, 申請成功就可以收返本passport, 裡面會多咗張貼紙 (vignette), 裡面有寫明呢張貼紙嘅有效期。凡有呢種貼紙 (vignette) 嘅申請者, 需要喺貼紙入面顯示嘅到期日前入境, 如果唔係你就要自己再同HM Office 申請更改到埗日期(要收費) 去維持張貼紙嘅有效性~
按時到埗入境之後, BRP 就會自動生成中, 大概10個工作天就會寄到俾你 OR 去指定嘅郵局攞
(抱歉, 關於去警局報到呢方面唔多清楚, 因為冇遇過, 冇相關情況嘅經驗可提供...)
<< 返返嚟visa申請過程 >>
俾完錢之後, 收到email 帶領我去UKVCAS 約Appointment, 咁我就知自己做錯咗喇... 😫😫
如事者, 一路又睇住各位當時喺 fb page 留低嘅哀號、求救、分享... 隔一陣我又再入過, 今次系統帶咗我去scan app 嗰邊, 入哂資料後 (過程有幾痛苦漫長, 大家都知, 所以唔洗多講), 就帶我去俾 £250~~
今次啱喇, 我又照俾錢啦, 然後到 IHS, 我就用返較早前嗰 £3,150 個 IHS Number, 又得喎, 結果成功遞交申請, 並即時收到UAN No. 嘅Confirmation ......
(由於當時有人分享話要如果withdrawal case 要等10 個工作天到full refund 先可以再申請過, 到時我TB test 都已經過期, 所以寧願無視之前俾錯嘅 £269.20, 事後先再搵方法申請refund 啦)
然後就試申請老公, 由於佢都有BNO, 當時唔識點樣將佢變成我嘅 Dependent, 固此我又幫佢開咗個account, 相信兩公婆都各自做咗主申請人(應該係), 但係喺入資料嘅過程中, 有可以提及家人嘅地方, 我都打哂自己 £250 嗰個UAN No. 同remark 自己係主申請人~
Anyway, 佢嘅申請付款過程順利, £250 同 IHS £3,150都成功付款, 亦收到UAN no. 嘅confirmation
最後就係link 仔仔嘅資料做dependent, 開頭試用app, scan 極都scan 唔到粒chip, application 都未開始就已經收到email 話個 application 會自動 delete, 請我用返傳統申請, 咁冇法子啦~
轉返傳統, 申請過程都順利, 由於佢護照scan唔到 app, 所以visa fee 係要俾 £269.20 (如果可以將我錯嗰個過俾佢咪好囉...)
至於IHS, 由於佢舊年9月申請 student visa 先俾過 港幣1萬6千幾咁上下, 所以我又決定試下用返嗰個IHS NO. (係咪玩嘢? 😂), 我以為HOME OFFICE 如有需要就會收返差額之類, 或者通知俾錢事宜~
就係咁 submit application 就完咗
29/3 嘅打指模同影相都非常順利, 大概15分鐘就已經完成整個程序。(都冇人嘅, 唔知收嗰£7x 有幾Priority 😤😤 )
然後就進入佛系式嘅漫長等待, 冇結果嘅等待......
恭喜各位龍船快過馬嘅申請人！一日批、三日批、兩星期批、遲過我哋申請先過其他人批、最近申請已批........ 真心恭喜！
冇葡萄, 亦冇得葡萄~ 總之到時候就會喺黑洞出嚟㗎喇...... (自我安慰)
4月中嘅 "scam email" (即係唔係你個UAN No. 又叫你喺某日前登入上載文件嗰個) 我都有收到~
我仲有再submit evidence 添~ 咁我唯有假設我要再排過, 由4月20日起再計12個星期啦~ (但係唔經唔覺都已經9個星期有多lu~)
5月14日：我收到email (嗱條隊有郁喇~) 係關於阿仔嘅application, generate 咗一個新嘅IHS number 要俾返full payment £2,350
冇問題啦, 其實都預咗要再俾, 證明咗係冇得偷雞, 咁一於之後再apply 返student visa 嘅 IHS refund 啦~
但係... 奇怪嘅事就喺俾錢後發生了, 我俾咗錢, 有哂email, receipt 亦有cap 圖, email 話俾咗錢唔洗理, HM Office 10 working days 後會自己check, 唔俾錢就decline case.......
4日後, 又收到同樣嘅Email, 俾錢嘅deadline 延遲咗, 又係話會10 working days 後check... 但係我click 入去明明寫住收到我嘅錢, 唔洗再俾...
又2日後, 今次仲搞笑, 又係 Dear 我個仔提佢交 IHS £2,350, 但reference no. 係我嘅 UAN No...., Click 入去又係寫住收到我嘅錢, 唔洗再俾...
之後就冇之後喇, 因為已經過咗嗰個俾錢嘅Deadline, 我唔知嗰位同事有冇check 到我俾咗錢未, 淨係知我哋嘅case 繼續入返黑洞, 但總算有郁過~
直至6月22日, 中午時間, 我收到Email 通知我嘅申請批咗, 同日傍晚再收到Email 通知呀仔嘅申請都批咗~
而老公就直到現時為止都仍然喺黑洞......
喺黑洞嘅日子, 間唔鐘都會走去 check visa status 度玩下, 當然係唔會查到嘢啦, 但我發現個case 有人睇緊, 同喺黑洞係有D唔同㗎~
但無論點都好, 每當入passport no. 時佢都link up到我個application 嘅聯絡資料, 至少證明個application 本身係冇error 啦, 咁都係等時間同彩數, 到時到候就會有人睇㗎喇~
而家visa 已批, 咁我咪可以暑假帶呀仔去Paris Disneyland 囉? (曲~)
咪傻啦, 每日確診數仲係過萬, 原本打算去Windsor Legoland 嘅計劃都要取消喇, 暑假都係繼續留返喺鄉下鑽研好剪草同園藝先啦......
講返Visa 批咗嘅後續先, 首先就係阿仔嘅新BRP 飛快地喺兩個工作天之後已經Courier 到屋企, 一定要有人親身收件~ 而呢個case 係冇被要求去警署報到嘅~
喺批visa 嘅email 入面有提及, 如果已經有舊BRP , 係要將佢剪半 return 返去佢哋指定嘅地方~
所以跟住落嚟我就要通知學校visa 已經換咗、退BRP 同埋refund student visa 部份IHS Fee......
至於大人, 喺 check visa status 嗰度就可以見到自己個麥頭 (只限經app scan passport申請者), 但用傳統方式而有BRP 嘅申請者係唔會Check 到嘅~
經過我呢種另類申請方式, 可以俾其他差唔多處境嘅朋友知道：
- 學生visa 可以"轉" BNO Visa, 但個"轉" 只係我哋認為嘅轉, 實際上你唔需要理會而家有嘅visa, 到你嘅新申請搞掂, 自自然就有哂資料同時間去慢慢處理返個舊嘅 (overlapped) visa...... 成功嘅機會係Unknown, 試完到時仲係啱用的話再報告~
- 由於跟本冇"轉"visa 呢樣嘢, 所以就算你已經打過指模、做過TB、有BRP, BNO Visa 個申請都係要再去過打指模同影相嘅, 因為佢哋個系統根本就冇得peer up to 你任何舊record~ (TB Test 就靠upload 文件時俾多d supporting 證明你點解唔洗再做)
- 批核快慢唔會因為你資產多或少而有影響, 其實只要按佢嘅要求, 例如生活費/存款要求, 俾足哂資料就可以~ 即是話佢要求 £30k (隨口噏㗎咋), 你唔好比£5k, 但又唔洗show hand 式提供資產, 中庸之道, show 返佢要求嘅多少少其實一定穩陣~
另外, 關於個BRP, 囝囝student visa 嘅BRP 當時係學校代收, 所以睇唔到cover letter 嘅內容, 而今次就可以透過封信知道, NI number 只會出埋俾 Tier 2 移民或者係難民, BNO Visa 並不是難民, 囝囝喺 BRP 入面嘅 Type of Permit 係 Residence Dependent
(唔知係唔係因為英國申請, BRP 個浮水印同埋張咭嘅 Design 同香港申請學生簽證時嗰個唔同㗎~ 都係無關痛癢嘅小事, 最重要係check 清楚BRP 嘅每一個Status 有冇寫錯, 有的話必須要喺十個工作天內提出)
日後有咩重大改變, 記得要download 份 Migrant change of circumstances form 填好同寄出, 改地址、聯絡呢D 就Online做都可以~
好啦, Visa 搞掂咗(我自己), 下一步就係要好好學英文📖, 見到council嘅網頁有Education 同Language 方面嘅支援📚, 研究一下先~