原文 https://www.facebook.com/104965791028186/posts/310451440479619/
喺2013年，其實英國政府已經放寬咗好多排屋、獨立屋同半獨立屋嘅裝修同擴建限制，例如可以將閣樓變成睡房。至於好多移居英國港人好關心嘅Extension，只要係起喺後畏，佔地唔超過花園一半，高度低於三米就唔需要特別入紙申請。但要注意嘅係，外觀同物料要同原本間屋差唔多，如果唔係都係要入紙。
同時都要注意自己間屋係咪屬於英國法定古蹟又或者係喺自然保護區入面，英國政府對於呢2類房屋嘅裝修十分嚴格。如果係屬於英國法定古蹟即使就咁加條天線，都係要入紙。以我地宜家喺London Hammersmith做緊嘅一單工程為例，因為屬於英國法定古蹟，屋主想將分體冷氣機嘅散氣放喺屋外，因為影響咗外觀嘅關係，都需要經過政府批准。
申請期就視付返有幾多工程需要申請，短則2、3個月，長則可以半年以上。入紙前一定一定要搵裝修公司／合資格工程師睇過內容附合標準先好入紙，如果唔係就浪費時間同金錢。