到埗後,有了住屋地址,應該都識得去登記NHS GP,如果有小朋友,記得記得幫佢哋登記埋NHS Dentist, 兩個範疇是需要分開登記的。而register NHS Dentist 對我來說是更因難。
牙醫,有私家牙醫和NHS牙醫之分,兩者分別就是前者服務收費,後者是「優惠價」, 而18歲以下的小朋友如果登記到NHS牙醫,基本檢查/補牙一般都係免費的。
比個概念大家,大人洗牙私家可以收£50-£90不等,NHS價就£23.80。
而剝牙就£80(私家) vs £65.20 (NHS價)。
👉🏻留意返,洗牙(Scale & Polish) 未必係牙醫做,一般係由註診hygienist (口腔衛生師)幫你。
雖然NHS牙醫唔需要好似GP 咁要跟catchment,你只要搵啱一間有口碑既你已經可以申請,但亦都因為唔係計catchment,就算牙醫診所喺你屋企隔離,都唔代表牙醫一定要收你。咁點解我話困難?首先, 一間牙醫診所只係需要比某一個比例既病人數目入NHS plan, 其餘佢係可以收返正價診金,而登記咗NHS Dentist既人客除非搬得好遠或者好唔滿意個服務,否則都唔會轉牙醫,要等自然流失再比新客加入返既機會已經唔多,再加上上年疫情關係,牙醫每日只可以接受疫情前的預約數目三分之一,僧多粥少下,一位難求,我問咗10間有多,都話無位收NHS patient,提議我等到下一個年度(有啲答我3月,有啲答我6月)。大人book 唔到都唔緊要,不過「澤澤」當時差不多6歲,門牙未甩過,之前香港又試過牙肉有D問題,所以我都有少少緊張,好彩最後等咗幾個月再試就幫小朋友登記到,登記到計一個星期就已經可以去見牙醫啦!下回再分享「澤澤」第一次見英國牙醫做檢查的經驗。
*登記小朋友係容易D,大人最後就搵咗間再遠d既成功登記
如何尋找NHS牙醫: https://www.nhs.uk/service-search/find-a-dentist (每間click入去會見到呢個牙醫仲收唔收NHS patient)