原文 https://www.facebook.com/1529354157090941/posts/6088228877870090/
喺過嚟英國🇬🇧之前，其實一早留意住呢款車㗎啦😍。我嘅選擇係Benz W205 C class Estate C350e, 屬於混能電油版加plug-in hybrid.
🤔 咁即係乜嘢啊❓
你可以想像佢就係豐田嘅Puris 加Tesla（低儲電）混合版，可以用插頭叉電😉。

💁🏻♂️選擇佢嘅原因有幾個👇🏻
1⃣️ 實用性：預計過到嚟都要買好多嘢，起初仲要經常出入搬貨，所以會選擇旅行車款。揭背嘅部份，真係可以擺到好多嘢👍🏻，最啱初黎報到要添置🏠傢俬嘅我哋。
2⃣️ 牌費：由於佢係plug-in Hybrid 加上低嘅CO2 排放量，所以佢係完全免牌費⋯係呀！冇聽錯⋯係完全免交牌費😚。
3⃣️ 舒適性： 基本上坐四個人👨👩👧👦係OK嘅。另外呢邊冬天真係好凍🥶，最like 佢有開車前預先提升溫度功能及座椅加熱🔥功能，係冬天❄️開車🚗真係好需要。
4⃣️ 性能： 2公升Turbo，再加上電池摩打推動，馬力有289匹，夠用有餘啦😬！
5⃣️油耗：英國呢邊嘅油費係比較平，約$13.2/L，根據我嘅🚗行車記錄，大約係0.7/公里，純電模式下可以行駛大約10英里，足夠去最近嘅超市來回👏🏻。
6⃣️ 價格 ：呢架車🇬🇧嘅二手價錢，平過香港🇭🇰嘅一半🤩。
7⃣️ 呢架車款，仲有好多輔助駕駛功能，正到爆👍🏻❗️不過要講嘅話⋯就要出另外一個post慢慢分享。
🙄起初嚟到呢邊🇬🇧，原本諗住好似去行超市咁揀車，點知因為lockdown，好夢成空😓。不過唔緊要，原來英國🇬🇧網上買車⋯真係好方便🤗，好似你網上買件衫咁樣😉，簡單方便。
💁🏻♂️大家應該都會有留意👀到⋯英國🇬🇧最大嘅二手車網站係「Autotrader」，網站非常方便，只需要輸入地址，理想嘅車型，品牌，波箱等......選擇條件，就會自動配對，提供各款型號車輛以供選擇👏🏻。
😎留意番…🧐☺️自動波車通常比手波車價格高🧐。英國🇬🇧車輛🚙🚗嘅行車里數，可能你會覺得好高😨。但因為英國🇬🇧通常都會行高速公路，同埋比較少好似香港🇭🇰咁樣塞車🤭。所以有駕駛🚘經驗嘅朋友，應該都明白係高速行駛對機器嘅損耗係比較少嘅，加上呢度地方大，唔揸車真係邊度都唔使去，所以里數高啲都係好合理🙄。
💁🏻♂️而我就選擇咗10萬英里以下嘅車🚘，另外車保養方面，都會有詳細記錄👍🏻，溫馨提示，二手車主👨🏻👩🏻 記得員買之前，記得留意睇吓上一手保養得好唔好啦❗️

💁🏻♂️我哋1月到英國🇬🇧，Lockdown之下，好多車行都會提供click & collect服務。揀啱🚗之後，你可以選擇email或者打電話俾車行。可以要求對方提供汽車嘅詳細保養資料，現場拍片或者係相片俾你睇吓🧐。
如果你覺得冇問題嘅話，就可以俾少少按金，～£100- £200左右，跟住就可以相約對方，將架車駛到你門口俾你慢慢睇👀。睇唔啱嘅話，按金可以退還。
如果睇啱😍，對方會檢查你嘅駕駛執照，之後你就可以攞鎖匙即場試車！❤️滿意嘅話，網上俾錢，買埋保險，買車就係咁簡單😎！
🌟文件方面📑，新買家只需要喺UK registration certificate ，即係車輛牌簿上面填上資料，將文件一分為二，賣方把其牌簿部份寄返比英國有關部門，過咗大約一星期左右，新買家就會得到一份全新嘅牌簿