原文 https://www.facebook.com/534429314128461/posts/636866127218112/
呢位網友本身已經有單獨管養權,所以事情就簡單啲。但佢都必須攞法庭批准佢帶小朋友永久離開香港先可以移民。但同大家啲case都差唔多,都係同對方關係唔好,溝通唔到。對方初初唔回應,寄信收左唔回,whatsapp唔回,電話唔聽。後來有回應,有講過同意,但之後表示唔會簽同意書同唔會上庭。
網友3月去法庭攞表,自己填表入紙申請離港令(佢有搵個中介人幫忙填表),排期5月尾上庭。法庭都有叫網友後補資料,網友提供咗佢會去邊,住邊到(只係講個地方, not地址),將會幫小朋友報邊間學校。
上庭當日,對方冇出席,亦冇簽到同意書。法官問網友係咪得佢一個嚟,係咪寄咗文件比對方,而肯定對方收到?對方係咪同意?
網友答話原本同意,後來反口。對方知道今日上庭,亦表示唔會到。
法官都有問係用咩方式通知話唔會嚟。網友答whatsapp.
之後。。。。。法官就approve咗網友嘅申請。網友仲驚自己聽錯,問多兩次係咪即係批准。😂😂
👉我成日話,每單case都唔同,好多前因後果。但大家都可以參考下,對方唔回應,唔上庭,唔同意下,都有機會可以攞到離港令。(但記得網友已經有單獨管養權)
👉而呢位網友前前後後其實一直有同我傾,有問過律師,但大家都會明,盡量都唔想洗錢。之後決定自己入紙申請,而網友話步驟都唔困難。雖然佢都有比錢搵人幫忙填表,但佢睇返份表,其實都係基本嘢唔複雜。
👉有啲嘢都講彩數,係真嘅。有其他網友分享,跟佢個case嘅官比較嚴謹,表示唔覺得移民係對小朋友好,所以唔批准。甚至有case係雙方同意,都唔approve (網友分享佢朋友嘅case,詳情唔太清楚,只係提醒有可能嘅情況)。而今次呢位網友都話,法庭保安見佢開心到坐係到喊,都話佢好彩,話有啲要上2至3庭都唔批。
所以,總之要冷靜,準備好一切文件。明白成個過程同對方溝通時會有好多情緒,但法官真係無咁得閒去理你哋鬧交嫁。有理有據就可以喇,師奶交係冇幫助。
⚡️原來好多網友都唔知,提提大家,跟你個case個官,會係之前你哋攪離婚嗰個(如果之前已離婚),攞返之前份文件,就知道叫咩名。
恭喜呢位網友放下心頭大石。🥰
其實真係聽到好多分享,睇住有D網友順利,有啲因為各種原因要放棄,亦有好多仍然努力處理中。❤️選擇一條自己認為啱嘅路,努力行好佢,共勉之!