https://www.facebook.com/107796820835299/posts/281156473499332/
3月開始，多左好多朋友搵我代為睇樓，買樓的有租樓的都有，希望借我經驗，睇下間屋的情況同附近的環境，因為佢地都係第一次黎英國，可能我之前的長氣分享俾到佢地信心啦🕵🏻♂️。
我個人比較鐘意睇買樓盤，可以更長時間去觀察間屋，甚至享受下同間屋的互動，「點解會咁改架呢？點解由呢款物料呢？咁都得架咩？會唔會有麻煩架？」我知，佢地都問我係咪講笑，由其是睇D遠古大宅，真是好開心。
而租盤的挑戰就仲大，好多時最多都只係得15分鐘，要一面兼顧電話另一邊的香港朋友，又要落足眼力去觀察下間屋有無咩問題，例如之前提過的漏水，樓梯/地毯有無問題，Boiler的年份同款式，水錶電錶氣錶的位置，係，粗略估計超過一半的地產代理係唔知架，要我自己去搵，仲有時因為network的問題開唔到live，要記番之前同香港朋友傾過想留意的問題，去拍番片或者影番想去俾佢地睇，真是好忙好有挑戰性；
通常呢15分鐘的前後，我都會於屋的四週行個圈，務求認識更多呢一區，介紹下交通，商舖，環境，睇下其他屋有無裝保安系統，有無名車，有無煙頭垃圾等等，輕鬆地可以同香港的朋友好好傾下計，交換下意見。
雖然無論買樓定租樓，都想睇清楚間屋同週邊環境，不過要留意的係，英國租樓真係有D難度，尤其3房或以上👨👨👧👦，約到house viewing已經唔容易🤮，如果看待租盤的仔細程度去到買樓咁嚴謹，真是會好難先搵到心儀的單位，有朋友因為洗手盤/浴缸係傳統分開的冷熱水龍頭而放棄，有人因為間房係地毯唔係地板而放棄，亦有人因為門口無位泊車而放棄，但同期，有於英國的香港人約過幾十間都只是睇得3-5間而徬徨，每個月都要同airbnb業主傾先可以續租，希望於香港的朋友，請考慮將要求稍為回到英國標準，呢面的樓大部分都老過晒我地，設計/裝修/電器都好唔同香港style，試下用一年的時間去適應，盡早settle左個地方，再去開展小朋友學校，買車，工作同新生活，一年後瞭解到自己的需求及英國的情況，再好好準備搵新的居所，咁可能比較實際。