住屋問題係唔少香港人黎到英國後(其實係未黎英國前)需要面對ge問題！
有人會買咗樓再出發，可惜唔係個個都 「有能力」、 「有心力」 隔山買牛。
更多人會先租後買，住落一排，了解周邊地區，謀定而後動。
我哋叫得做 Londinium Living & Investment, 「Living」 絕對係我哋可以幫到手ge範疇，所以我哋將會推出「Living資訊：基本編」系列，分享一D你可能已經知或你未必知的英國生活資訊。
希望係呢個資訊氾濫的年代，再添加多D資訊俾你，幫到你好好準備你ge英國生活。
講咗咁耐都未入肉，究竟英國租樓難唔難? 先講結論吧！
在港租英樓 - 難 + 煩
到英再租樓 - 煩
先講講難點係邊!
如果你人在香港，難點就在你 冇「Credit History」、冇「收入證明」、未有「Right to Rent」、 「入伙時間太遠」 同 「無得親身睇樓」。
如果你人在英國，已經冇咗以上尾3個問題，其他問題都係「其實唔難 只係好煩」。
咁有咩方法解決D「難野」呢?🤷🤷
● 冇「Credit History」 - 有D Agent有機會直接無視你，呢個時候可以揾D直接業主盤，直接同業主磋商，講解你GE情況，好多時呢樣可以免；其實有冇都好，最直接ge解決方法同下。
● 冇「收入證明」 - 基本上都預左要先俾半年至一年租，要注意預繳的租金用於抵銷最尾果幾個月ge租金，而唔係開頭果幾個月。
● 未有「Right to Rent」 - 係England租樓住，係需要出示文件，證明你係合法居留，先可以租屋。如果你人係香港，未攞到VISA就想租樓，就比較麻煩。不過只要租約開始前28日攞到VISA就OK，或者攞到VISA先去搵樓。
● 「入伙時間太遠」 - 一般大城市的租盤都去得好快，如果個盤係靚靚仔仔、新束束、位置好，D人係搶住租，所以入伙時間太遠，好多時都唔租俾你。入伙期同個盤ge Available Date愈近愈好，1-2星期差距為佳。
● 「無得親身睇樓」 - 呢個就係硬傷，惟有搵個信得過GE人幫手，我就唔係度Hard Sell自己啦！
咁又有D咩「煩野」呢?🤦♂️🤦♂️
- 「家當運送問題」 - 視乎你有幾多野要運，搵搬運公司都幾煩，又要格價，又要PACK野，又要擔心船期。 其實英國大部份野都可以買到，輕裝上路都不失為一個好選擇。
- 「消耗心力」 - 又要揀地區，又要睇校網，又要睇交通，又要遂個盤都比較一番，每日都用幾個鐘係租屋網上面搵盤，仲要每個盤都唔同Agency，要聯絡幾(十)個唔同agent，真係有機會心力交瘁。
- 「消耗體力」 - 周圍去睇樓其實真係好攰，當每個盤距離交通點15分鐘路程，睇一個盤來回都行30分鐘，一日睇4個，就行咗成2個鐘(仲未計中間transit)，如果一連睇足一星期，真係唔講得笑。